2016年1月6日 星期三

【九龍灣得寶變懷舊】牛下重現江湖?? @「牛下新城」食東西

我約朋友去「得寶商場」, 朋友答:「咩地方嚟㗎? 聽都未聽過」老實講, 我也是今朝早才第一次得知, 九龍灣有如此一個商場.

今日網上被「得寶商場」變身「牛頭角下邨」而洗版, 集體回憶又怎可以少了我這位阿叔呢?


所以便約同老朋友齊齊懷緬當年睇玩具, 食雞蛋仔的「牛下」日子. (不過其實當年主要經過牛下之後都係逛入淘大多)

牛下由2004年10月完成拆卸, 經過8年重建, 一霎眼原來又已經3年了.  朋友A說:「我哋以前成日去牛下6座間99買玩具, 嗰邊都仲未起返喎!」對!! 以前的日子真令仁回味.

不過由「得寶」變身的「牛下新城」則上月才正式開業...9成舖位也未租出, 朋友問:「乜都無嘅?? 其實E度開咗未㗎?」

我們見証工友正在為門口位置裝嵌招牌, 是否宣傳得太急, 還是裝修工程太困難呢?

我們走到大堂, 在一間髮型屋前的天花板設計得很有格調...石油氣單車, 舊洗臉盤, 熱水壺, 這個天花板一定是全場最正設計.

當我扮完舊戲院睇戲之後, 我發現新大陸: 「我小學時代的窗花喎, 幫我影張相吖, 你影唔影呀?」

居於深水埗舊唐樓的朋友冷淡說:「我屋企米仲係用緊E啲窗花囉, 我住嗰度, 望出街就係畀E啲大招牌照住晒, 直情係我屋企, 有咩好影呀?」(吓??我應該點答好呢)

望過霓虹光管,  舊鐵閘,  舊排檔之外竟然不斷冒出輕煙, 我說:「嘩! 咁大煙嘅嗰邊, 不過幾鬼香喎」原來, 盡頭就是有8間食肆的Food Court.

Food Court的人潮與「牛下新城」十室九空的情況, 簡直180度的大不同, 朋友說:「這間漢堡包舖最多人排喎, 不如食包啦」

當期時正正是19:10, 當我們準備排隊之際, 店員大叫:「唔好意思, 今晚所有漢堡包都賣晒啦」

(嘩!你哋咁好生意, 係米日日都咁早賣晒㗎?), 店員:「唔係呀!唔知點解今晚咁多人, 之前個幾日都好少人, 真係唔好意思」

朋友提議, 不如食隔離間車仔麵, 這間「牛下燈籠鹵味」的店員答:「我哋唔係車仔麵嚟㗎, 你自己夾餸, 唔一樣要配麵嘅」

(你哋本來係邊度開㗎?), 老闆答:「我哋啱啱開咗3日咋, 可能計畫遲D開分店, 不過無咁快」

大約5分鐘, 我揀的餸已經滾好, 並淋上鹵水汁...朋友說:「真係同屋企自己淥無分別」

我揀的食物當中, 煙煙韌韌的「甜不辣片」最有感覺...不過他們聲稱自己調校的鹵水汁...我覺得太似蠔油, 如果可以揀腩汁, 或者白灼, 應該會更好食...

我們又點了另一檔的芝士撈雞翼烏冬, 之前食新記的撈丁, 也不覺得太膩太漏, 是不是不應該撈烏冬呢?

朋友問我:「你碗嘢成$35蚊, 得一隻雞翼咁寂寞嘅?」我反而覺得老闆為我好, 因為飽飽滯滯的我, 烏冬只吃得一半, 若多一隻雞翼, 我應該會浪費得很.

希望 「牛下新城」的舖位快快有租戶進駐, 而且Food Court 的抽油煙裝置量快改善, 否則真的會浪費了這個「舊香港舊情懷」的好概念!

九龍灣牛頭角道3號~得寶商場TBG Mall



大仁生活facebook



沒有留言:

張貼留言