2016年1月23日 星期六

【芝士永恒】真‧好味! 食到舔埋隻碟 @ 麥上日光

話說一個月前, 老友告訴我:「喂!尖沙嘴開咗間麵包舖, 叫麥上日光, 佢哋個芝士包超正超好食, 你快D去食啦」


當時心諗:「又係芝士, 又係日本麵包舖...當時一星期試咗3, 4, D, 無興趣啦」, 所以就沒有理會.



今日經過金馬倫道, !點解有條人龍咁長? 望一望每日限量500個五層流心芝士軟包, 原來就是這間麵包舖.


我即時Whatsapp老友:「乜芝士包係奧地利嚟㗎? 唔早講, 我排第17呀」


這個室溫進食的芝士軟包, 店員Leslie:「因為師傅焗完, 要再攤凍, 之後又再上奶粉, 所以每半個鐘頭先出到大約15個包」


(: 不過留意返, 每人限買6, 即是可能你前面的排隊人士唔生性, 買到盡...咁都真係有排等. )


同行朋友說:「我同你夾埋買4, 如果一陣得3, 咁米又要第多半個鐘? (: 無問題, 我好鍾意排隊嘅), 不過我唔鍾意排呢!


原來上月剛剛開業時, 芝士軟包只是$20一件, 短短3星期已經加至$25一件...早知上次聽老友忠告過來試食啦, 蝕呀!唔抵呀!


賣相超吸引, 麵包兩邊塗滿芝士, 好想食呀! 不過未能數得到是否5, 究竟怎樣數5層呢? 早知剛才問清楚Leslie.


少少意見, 沾滿奶粉的芝士包, 每件獨立放入透明膠袋, 對於潔癖仁來說, 下次一定不會帶回家. 因為一拿出來, 已經滿枱粉. 手濕濕又會感到笠黐黐...抹餐死.



我嘗試切開一半, 因為我想一半凍食, 一半暖食. 原來. 一刀切入包內, 絶無花假, 鬆鬆軟軟, 麵包不停叫:「食我啦! 食我啦」


我決定要即時將包私有化, 咬咬咬咬咬...登登登凳! 這款濕濕潤潤的忌廉芝士, Leslie說是混入了澳洲及紐西蘭的兩款不同芝士出來的效果, 真‧好好好味! (特別就在面層的奶粉, 簡直神來之筆)


朋友:「彈啲奶粉整污糟又係你, 讚好食又係你, 想點呀? 所以, 下次即買即刻對實Leslie食晒就最完美


這款流心效果的甜甜回味帶點點酸氣, 連朋友吃了一口, 也要即時拿出相機說:「不得了, 好食到要即刻影畀女友睇吓先得」.


Leslie:「如果你一定要叮, 記得最多20秒就好, 唔好叮咁耐呀!」沒有錯...個人覺得叮20秒已經沒有凍食的過癮, 太實在了, 之前的虛虛幻幻, 仙氣十足的滿足感完全消失掉.



今日我們4個人食, 一致裁定這個芝士包好食到爆, 朋友說:「我想舔埋隻碟添..., 我二話不說搶了他手執的黑碟, 「留返畀我舔...




麥上日光
地址:尖沙咀金馬倫道32-34號福橋大廈地下D號舖
營業時間:星期一至日8am至9pm

奧地利五層流心芝士軟包 HKD 25 ($90/4件)
每日限量500個/ 每半小時出爐一次


大仁生活facebook




2 則留言:

  1. 我好懷疑呢間野嘅背景。
    http://ohtria.blogspot.co.at/2016/01/blog-post_10.html

    回覆刪除
    回覆
    1. 係. 我最初第一反應都係奧地利麵包, 個名咁日本...

      刪除