【油麻地都要跟團玩??】果欄變一田!! 試完個柿又試橙

上星期日, 我們參加了親子油麻地導賞團, 出發前阿太說:「油麻地我哋都要去導賞?? 我日日行喎!」

SY聽到又接口:「係囉!!現時點, 信和, 我都識晒啦」. (No, No, No...今日係深度行呀!)

我們先在地鐵站集口, 之後便一行20人漫步到果欄. 從未想過自己會跟團遊自己屋企附近, 忽然去油麻地都勁似築地Feel.

Candy姐姐解釋, 原來果欄填海得回來, 已經有100年歷史, 「小朋友, 你哋睇下果欄嘅建築物, 分晒名就係不同檔位」

一直以為果欄是零晨工作的地方, 原來現在星期日比花園街更旺, 而且幾乎8成賣外國入口水果...阿太:「E家果欄檔檔都有試食咁好?」

大驚小怪的我答:「係囉! 我都以為自己去咗一田, 乜果欄E家咁HIGH, 專人畀你試食, 真係咁好服務, 諗都無諗過」

老闆娘:「西班牙林柿試下食啦! 睇下甜唔甜」餵食仁即時放入口:「麻麻地咋喎」.

老闆娘立刻從枱底再拿出保鮮袋包裹的另一柿:「試埋個日本味, 包甜!」(果然日本水果先係皇道)

食完生果, 就去了窩8睇豪宅...Candy姐姐:「小朋友, 你哋認唔認到舊相即係邊度呀?」某小朋友:「米對面囉!」

原來100年前, 這個舊水務署工程師辦公室, 之後又做過郵政局、公廁及垃圾收集站...SY即時雙手掩鼻:「廁所??垃圾站??米好臭囉」

(點會臭吖, 10年前都變變咗曲藝中心Office啦), 老實說, 當年的郵局跟現在又真的沒有任何分

一個簡簡單單的天秤就已經可以吸引所有小朋友的注意力, 我問SY:「你知唔知係咩嚟?」SY:「梗係知, 磅重吖麻, (你點知嘅?), 我有聽哥哥講囉」

婆婆從事利和秤號已經70年, 她回憶:「我十幾歲就落嚟幫我阿爸手, 到我阿爸無做, 就我做囉, 好多鬼佬都嚟幫襯我架, D人鍾意懷舊嘢吖麻」

今日婆婆受盡所有小朋友愛戴, 因為婆婆有求必應, 鎖匙, 電話, 車仔, 有妹妺拿出自己的小布髮圈給她磅, 婆婆:「妹妹, E個咁輕點磅到呀?」

玉器市場連我也只去過2-3次, 對小朋友來說肯定是第一次, 導遊姐姐說:「小朋友! E度就係玉石市場啦, (小朋友大叫:肉? 豬肉市場?)」, 之後導遊姐姐拿出自己私伙玉吊飾, 眾人齊聲:「哦! E啲唔食得嘅玉–」

今次導遊姐姐想小朋友走入玉器市場找找非賣玉器的攤檔, 原來內裡有幫填報稅表十多年的梁伯伯.

梁怕:「我哋E家係淡季, 最多人搵就係4-10月, (我搵你幫我收幾多錢架?), 私人都係七十幾蚊啫」

幫我填報稅表的阿太即說:「唔該以後畀返70蚊我一次呀吓」

我問導遊哥哥:「你哋成日帶團遊油麻地架?」導遊哥哥:「最少都過百次啦, 不過一般係外國大人團, 小朋友都係第一次. 大人我哋會帶去睇廟街, 歌廳, 講解下入夜後的黃色廟街生活...」

(嘩!好似大人團吸引好多, 啱我多D喎)

活現香港-Walk in HongKong

大仁生活facebook