2016年1月15日 星期五

【荃灣驚喜】良心小食部~真‧必食三寶 @ 鮑記大食部

其貌不揚的食肆, 分分鐘禾稈冚珍珠! 看似隔涉的地方, 原來由大窩口散步過去也不用10分鐘. 正正望實熊貓酒店一直行就到.


主打外賣的「鮑記大食部」, 阿太一望到就細細聲:「要企係度食㗎?」富仔聽到即答:「唔好意思, E排食環捉得好緊要, 可能要坐高凳食...(:嘢食好味先係重點)



(鮑記最好賣係咩呢?), 阿富即時回答:「一定係魚蛋, 叔叔, 姨姨, 學生仔行過都食, 我自己都得閒就食幾粒, 因為真係好食麻」


:「老實講, 真係同粉嶺四眼仔有得Fight, 好食喎」, 富仔:「我哋最初試咗好多款, 先揀到E款魚蛋, (:有咩秘方㗎?), 油炸, 拖一拖油就好啦, 最緊要唔好長期浸住水」


!真心好好食, 星期日買$20魚蛋, 多送8...但大家不要學我分開買$20, (無得送呀!!~~) 超彈牙, 又入味


燒羊㗎有大細之分, 細羊㗎也只是$20, 望實師傅燒, 香味已經源源不絶由煎板上傳來, 香到死. 有點後悔不叫個大羊.


好食!肉嫩又不會不會太多肥膏, 所以少少騷味最合我心意...救命!!點解我只叫小羊, 我下次要食大羊㗎
    

今日最期待的「爆晒醬芝士牛堡」($40), 不得了兩位大師分工合作, 先由富仔煮溶芝士醬...(!真係好多芝士㗎!!)


之後師傅由原隻菠蘿切出兩片, 與手打牛肉一起煎, 還要灑少少酒, (好有氣勢喎!師傅) 大師答:「配少少酒, 好食好多㗎!


不得了! 漢堡包一上枱, 不感興趣的SY都罕有說了一聲:「好多白色汁(芝士嚟㗎)! 不過最衰無得加薯條」


超值漢堡! 真‧手打零舍不同, 肉味夠, 有咬口, 存在感又夠, 食粉NoWay, 原汁原味.


我肯肯定全荃灣線最有誠意, 最好食手打漢堡包.  


鮑記漢堡超足料, 不過限量供應, 師傅:「我哋得一對手, 有限公司啦, 一般都係做到60個左右」好彩我中午過來, 估計晚飯前都會無得食


SY指定要食$20大大碗燒賣炒烏冬, 我沒有興趣, 因為我正在等我的最愛. 燒菠蘿($25). 


燒菠蘿最開心, 因為燒完外層乾乾地, 暖暖的菠蘿肉會變得特別濕潤, 不過今日的菠蘿較淡口. 師傅說:「用菲律賓菠蘿比較甜, 不過都要睇季節性, 可能E一批唔啱時候」


原來開業半年的「鮑記」, 是一間與少年中心合作的小食店. 富仔:「因為我哥哥係社工, 所以就想用E, 培訓一D升唔上大學嘅年青人」


(咁有意思, 係米專培訓廚師?). 富仔:「唔係! 只係作為一個平台, 最希望可以幫到佢哋係工作上正確態度, 不過我哋暫時仲申請緊政府資助, 等緊批」(希望龜速政府做嘢手腳可以快D



ps: 這裡三款涼茶都係自己煲...痴線, 又要打漢堡, 又煲涼茶, 仲有每日糖水, 富仔究竟駛唔駛瞓覺?

鮑記大食部超強三寶: 魚蛋, 羊架, 漢堡包.


荃灣荃華街36-48號富麗花園B商場地下38A舖
9813 8463
星期一至日: 14:00-00:00

大仁生活facebook

沒有留言:

張貼留言