2016年1月8日 星期五

【腦電波控制Batman】香港玩具、嬰兒、文具展!! 7大必玩攤位!!

星期三率先感受全亞洲最大型玩具、嬰兒及文具展, 本來以為會悶爆, 原來好玩到「唔捨得走」.


全場最觸目, 最爆的一定是腦電波BatMan遊戲. !蝙蝠俠對超人, 3月尾上影, 我問:「點解唔設計Starwars?」設計師Stephen:「因為我係蝙蝠俠DieHardFans囉」



(我已經好集中, 點解你控制得咁輕鬆, 我連接都未得嘅?)


Stephen:「你集中D再試下, 因為我哋可以將人腦8種原始腦電波, 變成3種指令, 加埋眨眼, 就可以控制蝙蝠俠能跳高,跳遠...好簡單」($1480)


因為對一個無腦的仁, 要用腦簡直不可能, 所以試了2分鐘, 我還是放棄.


(E部磁浮BatMan戰機會伸縮架?)Stephen:「係呀! 因為單單磁浮會太單調, 所以我哋設計到同部戲一樣, 對翼會變形」 ($2680)


3樣展品中, Stephen介紹得最興奮就是這輛1:12遙控車:「你覺唔覺得好真, 我上年專登飛去片場, 跟足所有Detail, 我肯定像真度有99%, 仲可以航拍, 同連兩隻figuers添」($6980~限量2500)

展位編號: 1D-A41


玩完腦電波, 我便走過旁邊E-Supply3D航拍, 這個眼罩可以放入手提電話, 配合Apps, 就可以結合虛擬, 及實景, 眼球跟著搖控飛機走.


Kenes解釋:「遲D我哋會推出新遊戲, 咁到時就可以配合航拍飛機所以拍到的即時畫面, 2個玩家, 2部飛機就可以進行虛擬射擊戰, (!好玩喎, E家有冇得試?), 暫時要再等多少少時間」


(4GB容量, 720P拍攝, 遙控距離:80, 售價$999)

展位編號: 1C-A33


文具方面, 有靚靚漿糊Fueki, 我總覺得這個不易糊是懷舊年代物, 原來只是1981年產, 1986年改以全粟米為材料, 更得到日本ECO MARK認證. 其實, 是否代表可以食得咁解呢??

 展位編號: 5B-D27


之後便是我認為最合我的靜電Memo, 因為這是紙製, 而是一種特別物料, 利用靜電的原理, 可以貼在任何表面, 而且其中一面更如同白板一樣, 可以任寫, 任抺, 再任寫. (非常好! 唔駛攪到我成枱都係Memo)


展位編號: 5B-A32 (Marknext Limited)


嬰兒用品方便, 得利高放了一個垃圾桶出來, 不過負責人Brian解釋:「佢唔係垃圾箱嚟架, 佢係有UV管可殺菌, 可除臭, 畀爸爸媽媽放用完咗嘅尿片架, 唔信你聞下」(真係喎, 有一陣初生BB嘅好好聞體味...我係米有少少變態?)

展位編號: 3CON-068


科技真的日新月異, 現在連磅, 連探熱針都可以有藍芽, 負責人說:「初生BB熱溫高D架麻, 所以有D新手爸媽, 唔知BB係米發燒, 所以配合個Apps, 就可以一次過收集晒所有數據, 咁就可以畀醫生睇囉」


沒有錯, 7年前如果我阿太知道有這種發明, 一定會買, 因為她是緊張大師, 阿囝溫度高少少, 就不停探體溫. 她可以每5分鐘探一次, 這個新科技真的可以救助不少父母. (但唔啱我!)

展位編號: 3F-D19 (Andesfit Limited)


最後就是這個...我最初以為是「BB去露營呀??」的帳篷. 原來是標榜用無毒環保PU物料, 又可以有外來衝擊, 會被汽泡層以3D方式分散, 可以減少BB受傷的帳篷/地墊.


 (這個地墊真係真係好舒服, 滑嘟嘟, 放初生BB係上面, 一定安全. 點解當年無咁嘅地墊賣呢?) 

展位編號: 3CON-101 (Creamhaus Inc)


HKTDC香港貿發局2016 香港玩具展、嬰兒用品展、國際文具展
展會日子:11-14/1/2016



大仁生活facebook

沒有留言:

張貼留言