網頁

2016年1月20日 星期三

【7-Eleven 概念店】心裡有熱情 這裡有共鳴@ 我愛Brownies軟雪糕

SY:「爸爸! 又話帶我嚟食雪糕? E度飲咖啡㗎喎」我話:「咩呀!7-11, 唔一定係飲咖啡嘅!


阿囝:E...真係7-11, 我仲以為你上次去飲咖啡...!!綠色嗰間呢...點解E7-11唔同咗顏色嘅?



! 7-11走木系文青路線, 金鐘新開第一間概念店, 八卦仁當然要去八一八, 所以今日帶SY去逛一逛, 嘆個下午茶.


未到金鐘前, 同事問:7仔間概念店話有麵食, 其實係米專人幫你淥個杯麵, 加條腸同魚蛋呀?


老實講, 我最初都這樣想...不過, 原來真的有一個如同車仔麵檔的廚房, 而且較關東煮更多選擇的餸菜. (Total 24款餸㗎有)


我問大廚有甚麼推介, 他說:「水晶粉配冬陰功啦!! (因為阿囝不能辣, 所以改了蕃茄湯), 泰式香茅魚餅、溫泉玉子、你一定要試香辣肉丸超大粒, 少少辣, 超正」


估不到堂食也湯, 麵分開盛載, 外賣來說很不錯, 但環保仁下次會叫師傅放在一齊, 可以用少一個吸塑喎.


蕃茄湯超濃, 微微酸, 如果不是為了SY, 應該配個冬陰功會更好味. (我都係犯賤, 不能太健康啦!)


不過健康蕃茄湯伴香辣大肉丸就一流, 辣辣地酸酸地, 醒腦醒神, 爽腦繼續衝.


可惜不能辣的小朋友, 只是咬了半口, 已經大叫救命...「水......, 爸爸!你又搵我笨」 (:! 我都食到, 點知你咁水皮)
  

Noodle Bar ~ 4款粉麵 ($28) /24款餸 ($5-$10)


SY愛食腸粉, 我又愛黑松露, 於是就來一個黑松露腸粉連飲品($25)


腸粉夠熱!! 不過SY食了兩條就走了上天橋玩...(乜黑松露可以突然增強體力咩? )


不過, 走上橋後, 小朋友又大叫我上去, 他說:「好高, 好驚, 望到條馬路, 點解個牆起得咁矮...都似快D陪我返入去」


哈哈!! 原來細胆都有好處喎,  起碼我知下次想小朋友乖乖坐定定,  揀去高層位置的食肆就得啦... Yeah! 大地在我腳下, 真好!!


之後便是小朋友最最最期待雪糕時間, 店員推介:「不如試吓我哋新出嘅Brownies, Cappuccino雪糕吖 ($35)


我最愛新東西, 兩款玩冰火的3.5雪糕...正吖!


自己雪糕, 當然是自己淋Cappuccino!! 本來有人要跟我爭, 於是我出殺手鐗:「你想食咖啡味, 定朱古力蛋糕雪糕?


一出朱古力三個字, 即時可以控制這位勁扭計的大帝...哈哈!! 還是乖乖的看我倒Cappuccino.


很久很久沒有再在7-11看到店員拉雪糕...究竟是不是全港所有7-11再也沒有軟雪糕賣呢?


 暖笠笠的Brownie放在杯底, 15度的黃昏, 忽然溫暖, 忽然覺得今日很滿足...真的「心裡有熱情, 這裡有共鳴...


Brownie軟雪糕好食過Cappuccino, 不過, 我其實看中雪糕仔, 雪糕妹多一些...可不可幾用印花加錢換呀?


因為這裡是一個半圓形的設計, 阿囝食完雪糕後非常興奮, 不停穿梭前門, 及後門, :「你走夠未呀?, SY:「我跑緊馬拉松喎!!


有太陽伯伯的時候, 應該坐露天位置, 不過今日毛毛雨, 坐店內一樣有好處...(講真!好似好衰), 一邊食麵是不是可以試睇壹仔, 新假期呢??


最後, 我們買多一個朱古力牛角酥做早餐. 麵包夠鬆, 而且內餡滿滿朱古力, 如果夾到新鮮出爐, 即食一定更正!! 今朝叮熱食都不錯.
  




7-Eleven概念店
地址: 金鐘力寶中心1樓2B舖
營業時間:星期一至五 07:00-21:00、星期六 07:00-17:00、星期日及公眾假期 休息


大仁生活facebook





沒有留言:

張貼留言