2016年1月1日 星期五

【2016真‧罐頭特飲】潮飲Mocktail~「Pina Colada」帶罐出街

上星期經過去染布房街, 發現新開了一間名為「Pina Colada」的超Raw且型的小店, 老闆娘Sonia:「我舖頭叫『St. Castle聖卡索』呀!


(咁個招牌又叫Pina Colada?) Sonia:「我哋本來訂咗個木招牌, 點知個師傅話個牆釘唔上去, 所以我哋就寫Pina Colada, 個招牌仲係我屋企」



因為超愛Pina Colada, 所以Sonia就索性賣這款菠蘿、椰漿、牛奶合併打成的特飲:「不過, 我唔想賣有酒精飲品, 所以成間舖嘅飲品都無酒精」(! 唔怪之得叫Mocktail)


原來店舖1220日才開, Sonia與男朋友Tom合作:Tom以前係加拿大做開酒吧, 所以我哋一諗到創業, 就諗到賣飲品」


 (用罐頭裝, 咁攪鬼, 邊個諗?) 一邊幫我將Pina Colada封罐, Sonia一邊答我:「我諗架, 我想特別D, 不過個罐要小心D...


話口未完, 我已經將罐頭的蓋掩拉斷了.


不好意思的就要找Sonia用罐頭刀幫我接手尾, (椰林風光Pina Colada $28). 椰香配菠蘿, 從前唱K必飲的東西, 今日走了酒精, 更加清, 更加馬來亞春色.


:「好飲喎, 真係有舊菠蘿係裡頭, 如果唔開可以Keep幾耐?, Sonia又忙著幫另一客人封罐:「一定要2個鐘頭內飲晒架, 唔留得」(我仲幾為封咗罐就幾時飲都得添)


八卦的我又問:「係米全部飲品都會放入罐頭?


Sonia:「唔係架, 因為我要宣傳Pina Colada, 所以只有佢先係放入罐頭, 你有冇興趣試下另一杯我覺得最靚嘅騷豪7($28), 我第二最鍾意」


甜甜的荔枝, 我的最愛, 無得輸. 藍色又夠浪漫, 藍色的荔枝汁, 都很份子料理.


原來8款特飲, 每一款都不同顏色, 如果Sonia全部放一杯出來做樣本, 應該也很搶眼.


下次有機會來, 我要試飲忌廉粟米湯, 今日飲都太多水, 唔好意思, 飲唔落!


少少意見: 嘗試罐頭飲品加多一, 兩款, 單純賣飲品, 估計可能每月賣超過2000杯才夠交租, 不如再加一點點食品!! 加油!! Sonia下次我再來攪攪震.



St. Castle 聖卡索
地址:旺角染布房街18號地舖
營業時間:星期一至日:12:00-22:00


大仁生活facebook

沒有留言:

張貼留言