2016年1月18日 星期一

【半價芝士拉雞】必食燒肉生菜包 @ 灰熊山谷119

「半價食芝士拉雞呀!! 一陣去食下午茶啦!!」上星期本來我約同事去食好東西, 結果...


原來, 這間在深水埗新開的119要中間休息, 十分氣餒的我:「乜韓國都有落場架咩...!失望死」



心有不甘, 決定要星期六帶SY去食, 致電店舖留枱, 店員說:「周末無得電話訂位, 一係Walk-in, 一係經OpenRice訂枱」(無端端點解要經OpenRice? 咁奇怪??)


這間由元朗衝出來開分店的韓食, 裝修得非常Raw, SY:「點解咁似迪士尼灰熊山谷嘅, 驚唔驚架?(係喎, 其實可以攪防空洞主題餐廳喎, 一定好好Feel)


傳統的大水桶坐椅, SY好興奮:「放衫放袋咁得意...哈哈哈」, 終於今日小朋友不停開蓋, 關蓋, 又要玩坐無影凳. 一個水桶都玩一餐.


韓食的超大支特飲, 次次都飲得仁好開心, 今次的棉花糖雪碧 ($48), 芒果Smoothie Light ($68)一樣好睇又好飲.


本來應該用雪碧淋棉花糖, 但糖果殺手又怎會批准我「浪費」他的最愛呢


結果幾經辛苦, 才「氹」到他留一部份給我作棉花傾瀉...其實粒粒蘋果在杯底, 如果給我粗飲管會好好多.


芒果有燈泡雪碧, 賣貴$20就有少少不值, 我好貪心問店員:「個燈炮可唔可以攞走?」店員奇怪答:「唔得喎, 係我哋舖頭嘅」 ($20貴係邊呢? 唔知道)


因為直至131, 119 空軍芝士烤雞(半份雞) , 及金湯奶奶雞(半份雞) 都是半價 $64, 但原來每組客人只可以二選一. 我揀了前者.



本來我想正價點奶奶雞, 不過阿太說:「點食得晒呀?  不如你叫燒肉生菜包啦! ($68)」其實, 我望著旁邊的小情侶手拖手, 連最後一滴金湯也喝盡...我真的好想食喎.


揀飲擇食的SY, 一見大大塊燒肉便搖搖頭, 因為換牙關係, 他最近很抗拒食肉, 不過, 今晚有例外, 全因為太好味.


看似放涼了的燒肉, 在毫無期望下, 超好食. 驚喜程度更勝第二年又見光珠魯芬賣能得利廣告.


入味的五花腩, 肥肥瘦瘦, 外層輕脆, 肉嫩爽爽叫, 我和囝不能辣便不加酸辣泡菜. 包上生菜, 絶對開心大發現.


之後主角出場啦...空軍芝士烤雞...! 一個地盤泥鏟盛上, 店員:「芝士溶你就叫我啦, 我嚟幫你攪...


不過, 怎樣先算溶呢? 於是我們左影右影, 芝士開始有反應, 我問:「得未呢?」三個人六隻眼對望, 還是決定等到瀑瀑瀑的情形下先找店員啦...


誰知男店員臉有難色, 攪了數下竟然對我說:「唔好意思, 太濃啦, 個底食唔到, 我換過新一份畀你哋」(?? ED服務咁好嘅?)


(多唔多人好似我哋咁架?) 店員:「無緊要, 燶咗點食啫!...不過, 原來只懂焗杯麵的我, 連拉雞也知從何入手.


! 專業與外行人的分別, 真的似毛記電視與C9無記內容一樣, 真功夫果然好睇好多.


不過...點解辣得如此緊要呢? 我對阿太說:「上次尖沙嘴韓國街食拉骨都唔辣架喎...對於慣辣的阿太又輕輕鬆鬆鄧梓峰.


但我則一邊食一邊滴汗, SY則用半杯雪碧, 伴食了一條年糕, 一粒薯仔便棄權. 我有點點失望, 因為我只吃到辣味, 甚麼雞味, 薯仔味全部沒有.


臨走我問店員:「兩款半價嘢, 邊樣最多人叫?, 店員:「鐵鏟芝士雞, 可能D人嫌奶奶雞唔辣, (我唔食得辣), 咁你下次再嚟啦, 半價做到月尾麻」



離開灰熊山谷, 我發現我們的犧牲品, 好對不起這半隻雞...所以合照一張, SY:「係我哋頭先嗰個咩? 點解擺係度呢? 畀邊個食? (燶燶拉雞邊個食, 無人食, 無人食...)



空軍芝士烤雞(半份雞) , 及金湯奶奶雞(半份雞) 半價優惠至1月31日


119 Korea Station
地址:深水埗欽州街56-58號米蘭軒F號鋪
電話:24112119
營業時間:星期一至五:12nn-3pm、6pm-11:30pm


大仁生活facebook

沒有留言:

張貼留言