【尖沙咀開分店】新店限定抹茶宴 !! 龍貓呀 @ Via Tokyo

Via Tokyo 尖沙咀開分店!! 一家三口今晚又去八...阿太:「嘩! 我上次係銅鑼灣等咗幾耐先有位, 今次都唔知要排幾耐添呀!」

食飽飯, 20:00走到金馬倫道, 哈!哈! 可能新店較總店大, 所以只坐滿一半...緣子專家自言自語:「梗係啦...熱潮都過晒, 仲點會有人排隊食吖」(之前你又唔係咁講嘅??)

其實, 我最想試他們的龍貓拉花抹茶Latte, ($35) 我問店員:「可唔可以拉Minions㗎?」她專誠幫我問廚房, 可惜答案是只有龍貓公仔.

今日來一個尖沙嘴店限店的抹茶宴, SY呷了一口龍貓說:「好似朝早飲嘅牛奶喎」. 可能要殘忍「攪勻」龍貓, 味道才會協調.

因為杯底部份, 絶對抹茶味濃得多...不過, 我估計十個客, 九個都一定不會先「虐貓」再飲Latte, 人人也想要靚靚飲到底啦.

被SY喻為「捉衣欣」的抹茶芝士蛋糕, ($45) (因為碟邊加了三粒旋風形的抹茶醬囉),  軟綿的芝士感覺又是較抹茶味更強烈....

蛋糕分咗三層, 最正就是用芝士部份, 伴碟邊的綠茶醬來吃...

這個方法好不好食, 大可以看一看這位MR.綠茶鬼, 便知道答案. SY:「我係綠茶嘴, 唔係鬼, 我唔要做鬼」

最後, 因為貪心的小朋友想一次過品嚐三款雪糕, 所以, 我被迫點了三色雪糕窩夫. ($59)

三色雪糕窩夫, 唯一欠缺的就是我最想吃的蕨餅, 但因為太飽, 所以放棄單獨再多點一份蕨餅雪糕！

SY:「三個雪糕, 真係有三粒白色粒粒, 啱啱好我哋可以一人一粒」這個白玉丸子煙煙韌韌, 我和阿囝一向都搶食...今次可以平均分配.

我問SY:「面頭黃色嗰粒嘢, 你唔食呀? (SY:咁核突, 咩嚟㗎? 我唔食喇)」原來, 這是粟子, 可以作中和整份雪糕的甜品...OK啦

不知是否吃慣了中村藤吉, 京林屋的抹茶, 一有比較...總覺得這裡的抹茶味不夠突出. 反而焙茶更醒腦...SY:「鐵觀音呀! 同我哋街口嗰間一樣味」(他指天仁茗茶)

人比人比死人...Via Tokyo保持水準已經難能可貴. 而且, 地方闊落又沒有限時要求...服務態度好好, 明明21:00後, 門口有5-6人在等候, 但店員也沒有催促任何客人, 仲想點喎.

Via Tokyo
地址 / 九龍尖沙咀金馬倫道29號店鋪A
電話 / 23856388



大仁生活facebook