2015年12月27日 星期日

【浪漫滿屋】紫在法式街頭甜品店 @ 荔枝角 Ultra Violet

今日本來想去D2 Place一樓進行特別任務, 不過當準備走上商場扶手電前...眼前一亮:「嘩! 點解隔離凹位變到咁浪漫, 咁紫, 咁靚嘅」


我對阿太說:「唔好上去食啦, 就試E, 好有外國街頭High Tea Feel. 我下意識聯想到法式Cafe, 不過...這裡賣的竟然是泰式菜.



店員阿Milk:「係呀!老闆之前去咗法國玩, 佢話見到有間露天Cafe, 全間都係紫色, 佢好鍾意, 於是返嚟就用同樣Concept囉」


因為未食午飯, 所以我們點了一份海南雞飯 ($58), 菠蘿炒飯($55)...雖然我覺得食物與這裡超違和, 不過, 沒理由空肚吃甜品吧


將錯就錯, 原來鹹食可以加$30就可以換任何$29甜品一款, 及凍/熱飲品一杯...我問阿Milk:「你E度最襯一定係食紫薯蛋糕啦, 另外不如推介多兩款甜品畀我吖」



Milk:「泰式南瓜布甸啦, 賣相夠特別, 而我就鍾意食芒果拿破崙, 你食完一定覺得好食過出面, 師傅做得好好食」(:就咁決定啦, 唔該晒!)



攪攪震我的左影右影, 難得阿Milk又唔介意:「你哋鍾意影相啲人, 真係好有心機, 好多人都好似你咁, 又話部單車靚, 攞埋碟蛋糕去影添」


紫薯味勁出的這個紫色蛋糕 ($29), 阿太話:「最初睇間舖開係樓梯底, 都無乜期望, 點知又幾好食喎, 唔會太甜, 層次又夠出, 我之前仲以為係美心D行貨蛋糕」


其實, 這件紫薯都很花心機, 表層的花瓣應該也費了少心機, 而且不甜不膩, 對小朋友來說, (或者女士們), 起碼不惡毒, 輕甜已經可以自己呃自己啦.


三件蛋糕, 這件蛋糕亦是小朋友的最愛:「好香...(:點解你咁鍾意食呢? 三件最淡就係E), Hey!好食就係好食, 因為我唔鍾意食你嗰個南瓜」


椰汁南瓜布甸($29), 意想不到的十分合我胃口, 本來我不太愛南瓜, 但原來混入布甸味道好正. (不過, 如果可以揀個大少少嘅南瓜會更好...唔夠喉呀!) 


南瓜不會太腍, 起碼拿上手也夠堅挺. 而且夾雜布甸與南瓜肉一口齊齊吃, 南瓜肉仍有少少微甜感覺.



至於全店最人氣的拿破崙($29), 我覺得開邊的士多啤梨, 十足十一對小牛角...攪笑...


這裡的甜品, 賣相極少女系, 就連阿叔也為之心動, 酥餅上放兩片芒果, 40多粒花花形的吉士忌廉, 粒粒都混入不少雲尼拿籽, 今日連我也覺得Elegant到要豎起手指尾食餅!!




超驚喜的法式風情話, 迷人到暈的粉紫色裝修, 浪漫滿屋, 氣氛非常冧, 今日的下午茶實在動人得緊要!!



Ultra Violet
荔枝角長義街9號 D2 Place V2舖 (扶手電梯旁)
Mon-Sun: 11:30-23:00
電話: 2743 6303


大仁生活facebook

沒有留言:

張貼留言