一年前大熱韓食「雪糕鯛魚燒」襲廣華街, 原來如此快又過了一年.
今日, 一家三口又去食鯛魚燒.
阿太:「你會唔會Out得太緊要呀?」
這是飲食男女推介喎... 鯛魚燒內不是放吉士, 紅豆, 而且變身鹹食大阪燒, 阿太:「大阪燒? 我啱喎, 我最鍾意食大阪燒」, 於是三個人便走去太古城中心Apita.
連續2星期也到太古, 連SY都說:「又嚟? 係米又有得溜冰呀? (我:無得溜喎, 去食鯛魚燒咋) 好遠...有冇雪糕㗎?」, 我搖搖頭:「鹹食嚟嘅, 不過可以叫多一個綠茶畀你, 好唔好?」
當去到二期地庫日本橋屋長兵衛, 不要說人龍, 客人都沒有一位, 我點了兩個鯛魚燒後問店員:「鯛魚大阪燒乜唔係新出嘅咩?」
店員輕鬆回答:「吓? 出咗好耐啦喎...(我:幾耐? 一年有冇?), 我諗真係差唔多成年啦」哦! 難怪難怪...SY:「爸爸! 哥哥話一年? 咁米好舊?」無人食更好,
我不用排隊...吖! (死撐MODE)
其實一個鯛魚燒, 兩三位店員幫我製作, 你注入強漿造鯛魚燒, 我放上火腿, 你又塗上大阪燒醬汁...店員非常合拍, 簡直如同男女子混合雙打一樣.~精彩...
之後來一大堆生菜...看著鯛魚燒一邊焗, 一邊脹大, 卜卜的魚身, 連模具都被脹開...好似好好食...
大約10分鐘的時間, 鯛魚大阪Twin燒來了...雖然感覺有少少縮了水,
但超香, 就連只識吃雪糕的SY也說:「真係好香!! 爸爸, 我可唔可以試一啖」
不過環顧周圍又好像沒有地方可以進食, 店員:「你見到有位就食得架喇」, 阿太:「人哋預你攞走, 鬼知你又要影相, 又要人哋切開咁麻煩咩」(咁我唔食, 相機都要食, 無位影好唔方便)
一般的大阪燒用麵糊漿燒出來大大份, 不過今次只釀入鯛魚肚內,
可能少食多滋味, 在未夠喉, 未夠喉的情況下, 份外好食.
我未想過鹹食鯛魚燒可以如此好食, 鯛魚皮原來很夾大阪燒的燒汁,
(好彩大廚不是放得太多, 剛剛好!!), 不過, 小朋友試過一口後, 還是只顧他的綠茶味...
始終這位嗜甜的小朋友都是比較硬頸:「綠茶好食, 爸爸你個唔好食...點解我E度無雪糕, 上次食幾次, 次次都有」, 我答:「梗係啦..佢叫你$16蚊咋喎, 有雪糕要四十幾蚊, 我一陣買個Godiva畀你, 溝咗落肚米一樣囉」
鯛魚大阪燒/ 抹茶鯛魚燒$16
日本橋屋長兵衛
地址 / 香港太古城中心二期地庫Apita
大仁生活facebook
沒有留言:
張貼留言