網頁

2015年12月3日 星期四

【一人一Tab上數學】原來用平板上堂可以咁投入

今日應Samsung邀請, 晨早去到將軍澳香海正覺蓮社佛教正覺中學參觀「三星智能教學體驗計劃」. 老仁家第一時間覺得平板只是用來娛樂, 當學習工具真的可行嗎?

今時今日, 中一上課已經發展至一人一平板, 科技真的日新月異, 想當年(咸豐年前)我中學年代, 要精英兩班先可以學電腦...其實我當年已經覺得係分化!?



平日8點半還在夢鄉, 今日走到校園, 感覺一樣很遙遠, 青春無敵的中一學生, 連數學老師也一樣年輕. 究竟一部Tab是否真的幫到學生仔學習呢? 真的很疑惑...

因為遲到關係...(點解中學生08:30就上堂??), Sir已經開始教三角形如何找兩個未知角...(!乜原來E家啲中一學D數咁深)

計算三角型內角和...Sir:「同學, 你哋放膽寫, 放膽計, 因為部Tab有個功能, 寫錯你咪擦咗佢囉, 計啱先再寫過, 無問題架」(係喎, 我以前驚做錯, 唔敢寫, E家用平板真係唔怕錯喎」

原來同學在自己平板寫上答案, Sir可以在投影機即時全部觀看得到. (不過仁老, Sir唔畀同學用平板入面個計數機...一定要大家用心算.  我就連 180度減2隻角, 我都減咗鬼咁耐, 真係醜)

Sir揀了謝同學的答案, 放大及解釋給其他同學仔計算方法, 之後就送了一個虛擬貼紙給謝同學...全班「嘩!」一聲, 我問謝同學心情, 她笑笑口:「好得意...開心呀!


之後曾Sir叫同學繼續做下一條題目, 有部份同學做得快, 而阿Sir就幫一下部份有困難的學生, 之後又到講解時間.

Sir揀選了陳同學的算式:「陳同學你差一步, 你可以做埋先」, 此時陳同學一邊寫, 投影機又即時出現內容...

之後曾Sir解釋:「無錯! 已經啱咗, 等我Lock咗你部機先, 唔駛再寫喇喎, ...計得非常好呀!...(原來阿Sir部機可以操縱埋每個同學的平板, !!)


大家用平板上堂, 氣氛真的開心得多, Sir又可以派虛擬禮物, Sir又對同學十分攪笑:「計完唔駛簽名架, 等我幫你擦咗個公仔先得」

臨完結, 同學們非常努力將平板的答案抄到家課練習內...Sir突然大聲叫:「好啦!返屋企再做啦..我要熄機啦...(同學們:「等等先...唔好熄住」)」可惜說時遲那時快, 所有平板已經被關掉...

我問梁同學:「用平板做完, 相同題目又要做多次係練習, 其實咪搵笨?」梁同學笑笑口:「做多次都無所謂, 因為用平板上堂好輕鬆, 又好玩, 我好鍾意...其實我哋比平時做快咗就真, 一堂都已經做咗5條數」

課堂後曾sir:E家我哋通識, 電腦, 數學都有用平板, 其實上年Samsung都已經有借機畀我哋用, 學生反應好好多, 因為我可以用唔同顏色, 分開每一個三角形講解, 上年我用部Tab嚟上統計, 更加正, 因為以前D學生無心機數, 成日數錯, 有咗部Tab, 分開晒唔同顏色, 方便好多」


(點解阿Sir你咁殘忍, 臨走咁快熄晒D機呀?)sir:「其實, 課堂做完一次, 如果佢哋返屋企唔做多次, 一定會好快唔記得晒, 我就係想加深佢哋記憶, 所以先熄機」(!用心良苦)

原來, 學校連視藝堂也開始可以用平板配合, sir:「同學在平板上填色後, 畫面便會變成3D, 咁就唔會好似以前咁死板」(係呀!我當年上美勞真係好老套, 又悶)

其實我想也沒有想到初中學生竟然可以因為平板連寫App也毫無難度計我話全港中學平板電腦化, 應該再提早普及, (希望阿囝中學時期可以實現啦).


因為學生可以在更沒有任何障礙的環境下上課, 寫錯即擦, 上堂氣氛又較傳統老師單向性教學來得輕鬆,  真的Very Good


大仁生活facebook

沒有留言:

張貼留言