《星球大戰》熱潮直捲我屋企, 由朱古力至杯緣子, 由扭蛋到汽水樽, 我和SY的話題無時無刻也是Starwars.
大前日知道白兵降臨迪士尼, 當然第一時間帶SY去集郵! Yeah!!
未跟白兵玩遊戲之前, 當然要去先醫肚, 今日更加來一個星戰全包宴, 今次絶對不只原力覺醒, 眼球, 肚皮全部都醒...真係好靚呀!
離遠我已經大叫:「嘩! TIE
fighter 及 黑武士好想要呀!」, 我身旁的SY大叫:「我好想食裡頭D爆谷呀!」(但係我想倒咗D爆谷, 淨係想儲個桶咋喎)
星球大戰漢堡包, 我問SY:「你想食邊款呀?」, SY:「白兵會送多D薯條, 定係黑武士多D吖?」
...中式包好食過傳統嘉頓麵包多多聲, 我齋包也直接將白兵及黑武士吞了落肚.
我叫SY試試人型啫喱, 囝一啖一口KO了他們之後:「唔係啫喱, 黑武士係黑色嗰D咩糊呢...(芝麻糊呀!), 係呀!好食呀! 白兵就麻麻地...」不愛椰汁的小朋友一定是遺傳了阿太的基因了.
今日大仁超興奮, 全部食物都是偶像,
SY連食兩杯白兵芒果布甸之後問我:「E架飛機係咩嚟? (我:千歲鷹號, 我都好想要佢嘅Lego), 我想知係米朱古力...(係米Wasabi呀?)」, 店員答:「牛油果嚟呀!」
SY問:「點解無我最鍾意嘅R2-D2嘅?」於是我左找右找, 終於發現:「有呀! 你睇...黑武士三文治隔離, 用生果切成, 五顏六色咁得意喎. (SY:爸爸!快D幫我影相)」
食飽飽便是壓軸, 我最最最期待的白兵合照,
不過白兵很難捕捉, 因為他們不是如同米奇,
米妮企定定...二位白兵不停行, 不停走.
我叫手持大劍的SY:「你行快啲截佢哋啦...你跑另一邊等佢哋」, 白兵很有個人風格, 你主動要求合照, 佢一定不理你. 但如果你路過, 靚女, 或者是外國人, 他們會主動停下與你合照.
不過集郵是我的名字, 終於左轉右轉, 身水身汗後, 任務終於在不順利的情況下完成.
其實我真的不明白, 二位走來走去不累嗎? 我跟足5分鐘, 好彩成功合照, 否則已經氣來氣喘, 接近想放棄.
正當我好高興之際, SY卻很憤怒:「白兵好曳, 佢踩到我隻腳都唔講對唔住...爸爸你講大話, 又話白兵係好人, 壞人嚟架」
哎呀! 會不會從此白兵會成為他的童年陰影呢? 一邊離開樂園, SY一邊說:「等我仲叫媽媽送白兵波鞋畀我, 原來佢哋係壞人...我好嬲呀!」
弊傢伙...我一定要想辦法另他重新愛上白兵, 否則下次沒有人陪我入園集郵就慘!!
大仁生活facebook
大哥,
回覆刪除請問爆谷桶在哪一區購買? 星戰美食在哪一間餐廳?