一個月前, 非常心急的我, 終於等到舅仔來電:「你想要嗰部iPhone6s大粉紅有貨啦!!」正呀!用了4年三叔的我, 厭厭地...終於可以轉會.
同日朋友又通知:「深水埗蘋果專門店, 黑色, 金色64, 比原價平$500呀!」, 不過我說:「我只係鍾意粉紅色, 正價都抵呀! 因為衛訊抄價要多$600蚊」
4年前由iPhone4轉會到Note, 因為嫌iPhone的螢幕太細, (睇到眼都矇), 大6s真的解決了芒細的問題. 不過, iPhone實體鍵兩邊沒有功能, 經常按按按, 才發現「咩事」都只有按實體鍵吧!
由Android 的Whatsapp轉到iOS, 已經預計之前的紀錄全軍覆沒, 朋友說:「唔係呀!Backuptrans可以做到, 不過要買, 二百幾蚊」(我咁孤寒, 我情願唔要以前嘅History)
正式用機的第二日, 我發現iPhone...「點解搵極都無電話錄音App??」, 後來Google大神解釋, 原來 iOS 是全球統一版本, 部份國家法例不容允許來電錄音, 所以App Store, (就算JB後), 一樣沒有軟體可以做到....我經常要用電話錄音...登時心情一沉.
之後, 沒有記性的我, 經常要在Whatsapp名單中, 直接致電給朋友...點解iPhone的Whatsapp沒有直接按到通訊錄的功能呢? 朋友說:「直接用Whatsapp打電話囉!!」, 不過數據電話...好窒.
所以, 用iPhone的數天, 我壓力大大提升...不停要望住Whatsapp號碼, 一邊口噏噏, 一邊返回電話盤, 快快輸入打電話...好辛苦呀!! (都怪我記性太差啦)
最後, 就是我最愛Cap圖, 之後用S-pen圈下位置, 或問題, 直接Whatsapp朋友...iPhone有App可以做到, 不過, 用手指比較難圈, 難寫字囉...
我問了多位iPhone朋友, 人人也說:「我諗無人用iPhone會好似你咁複雜, 我哋就係貪佢乜都方面...」, 果粉舅仔:「我覺得目前最好用, 最正嘅手機, 你竟然彈到咁」
沒有辦法, 用了7天, 唯一不捨得iPhone就是因為紅色的機身...結果, 我還是把心一橫, 就算蝕了$838元也放了給先達.
幸好, Note5上月頭剛剛出了64G B, 否則我真的不知怎算...可能很多人又會覺得, 我這篇是打手文, 但我想說... 以上三項功能, 我絶對每日需要用, 點解iPhone沒有為工作型用家設想一下的呢?
今次Note的金屬感很不錯, 始終都是用Note比較安心...如果有粉紅色就更加好啦.
(我係「實體鍵」手機的死硬派, 睇嚟...我E一世都脫離唔到三叔的手指隙)
大仁生活facebook
沒有留言:
張貼留言