2015年12月17日 星期四

【情侶手工冬甩小店】叉燒、午餐肉Donut~即場食熱辣辣!! 正爆!!

冬甩都可以鹹食? 阿太上星期話:「銅鑼灣有間新開嘅冬甩舖頭, 有叉燒味冬甩喎, 不如買返嚟試下啦」.好有趣!! 當然要見識見識一下.


於銅鑼灣地帶2, 冬甩店舖不大, 由一對小情侶合作, 當我一走近, Goldie便笑容滿臉的向我推介:「會唔會有興趣試吓我哋自己做嘅冬甩呢? 有鹹又有甜架」



(有呀!我專登走嚟食架, 我想要兩個鹹味嘅!) Jacky:「不如一個叉燒, 一個午餐肉吖, 你想係度食定攞走?, 我答:「我想帶個叉燒返屋企畀阿囝, 咁不如我個午餐肉就係度食啦」


原來即場進食, Goldie會即時為你放入焗爐加熱, 之後更會多添楓葉糖漿...(E! 我個午餐肉係鹹喎, 都加糖漿?), Goldie:「係呀! 你試下先啦, 鹹鹹甜甜好正架」


原來底層Goldie一早己經塗了糖漿, 所以翻熱後更加脆口, (係米加咗啲泰式辣漿呢?) Goldie:「我好鍾意食辣, 所以自己調咗D辣漿」



 (OK, 我唔辣得都接受到, 成個冬甩D味都醒神晒, 不過小朋友唔食辣點算?)Goldie:「咁可能要預先打電話畀我哋訂造走辣, 因為我哋全部廿幾個都係有辣嘅」


結果, 很愛叉燒的SY, 死頂吃了兩口, 還是抵受不住辣味, 而大叫媽媽:「水呀!水呀!, 結果, 由我一人忍到口水流, 3啖就KO了全部.



比較兩款鹹食, 叉燒的感覺勝午餐肉多多聲, 難怪兩位老闆都說:「叉燒係鹹食當中最多人買, 因為有肉地!!


(你哋點諗到整鹹冬甩呢?)Goldie:「我哋好細個就去咗加拿大讀書, 最鍾意食嗰度D楓葉糖漿煙肉, 香港又無人賣鹹冬甩, 咁我哋米諗到不如自賣啦! 不過香港人嫌煙肉太油, 所以我哋改良用叉燒, 我哋自己焗架, 所以甜甜地辣辣地囉」



我可能有5年沒有走上銅鑼灣地帶, 原來這個場變得非常清靜...(點解你哋會租E個場?) Jacky:「同人講地鐵站E出口一出對面就係, 而且E區好多國際學校學生幫襯」


(!真係好多學生仔, 學生妹. 而且Buttery Factory對出走廊, 商場在柱位設了一些坐位, 所以坐低慢慢嘆Donut, OK)



因為怕鹹冬甩小朋友不太喜愛, 所以我也買了兩款新口味給SY, 朱古力波波Oreo bomb一早便估得到是SY的第一選擇. SY:「好食呀! 脆卜卜朱古力好食」


另一個酥皮冬甩, 簡直連奄尖腥悶的阿太也大讚:E間舖頭賣嘅冬甩真係同食開嗰D唔同, 無咁甜又特別, 酥皮真係好食, 不過, 又話有叉燒, 午餐肉? 係邊?


~ (!因為知你鍾意食甜, 所以鹹味我捱義氣同你食咗啦!! 下次有時間同你買返...嘻嘻)


Buttery Factory
銅鑼灣記利佐治街2-10號銅鑼灣地帶2樓264號舖
6696 3826


大仁生活facebook

沒有留言:

張貼留言