汕頭街新開一間鮮橙色本搶眼的意粉屋, 老闆Roberto勁友善, 我對他說:「廿年前E個舖位係間日本料理, 我成日都嚟幫襯, 不過後尾搬咗過對面, 就愈來愈差, 乜原來執咗添呀?」
西班牙混血兒的Roberto答我:「執咗幾年啦! (我:嘩!原來我咁多年無嚟)」, 我說:「我專登過嚟食你哋個龍鬚糖意粉架!」
Roberto說:「唔好意思, 個龍鬚糖要早一日前預訂呀!
暫時無現貨」, 極失望的我:「哎呀!咁唯有我訂咗星期一再過嚟食啦!」
過了3日, 我們又再來Cheeky, SY指定要食肥嘟嘟薯條 (連雞翼$44), 這個名字改得極搶, 老闆說:「人哋個餐牌一定無『肥』字啦!!我就唔怕, 因為要襯返我哋個舖頭名~Cheeky麻」
我不明白為何SY如此愛薯條, 即使麥當勞也只吃薯條不吃包, SY:「薯條好食!! 爸爸你唔覺得咩?」雖然Cheeky的薯條是有誠意的連薯皮的口味, 但老仁家也是怕熱氣喔!
Cheeky很快餐車Feel, 因為這是老闆的意願:「我專登要搵一個屈頭巷,
無乜車, 你唔覺個環境好日本Feel咩?」(點解你唔開多兩張枱, 等多D人食得到麻)
Roberto說:「大排檔咩?! 我就係鍾意企係E個窗口, 可以同客人傾到計...放張枱出去, 完全唔係嗰回事」
今日我又點了名震江湖的火燒菊花($58), 這是勁愛食辣的女廚師阿芙精心研製的. (阿芙正正就是Cheeky的生招牌. 我說:「個公仔似係肥婆, 妳咁瘦」, 阿芙:「林祥焜幫我哋畫架, 我專登叫佢畫肥D, 得意D呀!」)
我當然是揀最BB辣...不過已經辣到跳舞, SY嗅了一下, 已經眼鼻扭曲, 之後他用舌頭舔了一口, 即時連膠叉也拋掉, 大叫:「水呀!水呀!好辣」
對於不能辣的兩父子, 其實BB辣也很辣...阿芙說:「因為我用咗4隻亞洲辣椒, 你會食到4種層次, 辣, 酸, 甜, 麻」.(我:真係好麻, 好彩買咗枝荔枝汁解辣」
不能吃辣的Roberto說:「整個餐牌我都有試食, 只係唯獨火燒菊花食唔到, 如果你食第三層, 第二日真係會有同樣感覺架, 所以我先改E個名, 」
最後...我最期待的凍食意粉龍鬚糖...Roberto解釋由來:「有一次, 阿芙食Pizza味薯片, 我話, 奇怪!點解你唔直接食Pizza呢? 於是我就諗到零食變正餐, 青豆介末意粉, 龍鬚糖意粉 就係咁樣誕生」
用意粉代替麥芽糖做龍鬚, 而且凍食意粉真的第一次,
沒有想到意粉都可以當甜品. 我對Roberto說:「好健康, 而且又夠飽肚, 原來甜食龍鬚糖咁過癮」
正正因為剛才辣完, 所以食又甜又凍的甜品更加正,
不枉我專誠再走過來灣仔, 雜食變正餐,
Roberto!好嘢!
電話 2325 2725
大仁生活facebook
沒有留言:
張貼留言