網頁

2015年12月19日 星期六

【三隻咖哩老虎】仙氣烏冬~黑虎‧白虎‧綠虎!! 好食到雪雪聲 【短片】


鍾意食烏冬多過食飯的SY, 今日知道又可以食烏冬做Lunch非常輕奮. 當我們到達海港城2, SY即說:「咦? E間上次米食過囉...



有時真的不可以小窺這位小朋友的記憶力, 我答:「你鍾意食吖麻, 而且聖誕有新嘢喎」


半年前, 我們吃過的超濃薯仔泡沫咖喱烏冬, 由潔白食到變返黃咖哩, 又有肥牛, 又有溫泉蛋...愈食愈過癮, 辣到念念不忘...


今次白虎($119)不再孤單, 因為舖頭帶多兩隻新老虎朋友, 三虎齊齊生威!!


又有瓜又有菜點綴的新朋友名叫綠虎($109), 三虎之中賣相最索, 不過是齋來的, 連我最愛的溫泉蛋也沒有.


素食者的恩物, 店長Hegel:「之後好多客問白虎可唔可以走肉, 因為真係做唔到, 所以我哋索性出一個蔬菜咖喱烏冬囉」



阿太一邊食一邊大叫:E個好食呀! 夠青, 又有菜又有瓜」, 我答:「佢係好香, 又有薄荷葉, 我就第一時間聯想到生牛肉河, 不過無咗D...怪怪地」, 阿太:「你D食肉獸都唔知識唔識食, 食多D菜先有益架」


非常神秘的黑虎($129), SY第一時間指明要食:「上次食白色, 今次要食黑色...我要食咗個黑武士」(你係米中星戰毒, 中得太深呀?)



白虎會愈食愈深色, 墨魚汁泡沫剛剛好相反, SY玩得很高興 :「爸爸! 你睇撈勻會變返白架」 



因為沒有加薯仔, 所以泡沫輕身得多, 陣陣蒜香...香得我一定鍾意黑虎多於齋虎多多聲...


又怕辣,又食到雪雪聲的小朋友:「係呀!係呀!.........好辣...好食, 黑色好食, 我最唔鍾意食菜」(!! 原來佢遺傳咗我唔食菜...點算好呢!!)



這裡的黑虎是名符其實芝麻糊一樣的黑, 不似其他地方落少少黑蒜就算, 絶對仙氣噗噗, 黑過墨斗! 唔會呃秤



從未想過朱古力再加薑, 今日超愛的驚喜熱飲...開頭心諗:「會唔會好甜呀!, 原來用真正生薑磨汁沖朱古力, 薑迷感動, 甜中滲微辣又暖胃, 簡直出奇蛋一樣, 一次過滿足三個願望.


白虎咖哩
Tiger Curry & Cafe
九龍店:尖沙咀廣東道17號海港城港威商場2樓2602號舖
香港店:銅鑼灣邊寧頓街14號地下


大仁生活facebook

1 則留言: