「小王子」我中學時代, 其中一年的閱讀理解考試題目...相隔半世紀, 想不到會拍成電影, 今日還帶SY齊齊睇.
經典就是有他成功之處, 否則這位奄尖的小朋友,
不會一見到小王子便興奮的跑上前...SY摸著飛行員的鼻:「點解佢個鼻咁大個, 好奇怪咁」(鬼佬個鼻梗係大D啦)
當日一大班外藉人士在排隊, 因為可以跟聖誕老人合照,
SY:「聖誕老人都好影? (我:可能佢哋都話我哋「小王子」都好影囉)」
SY:「隻狐狸咩人嚟? (我:小王子個朋友) 寵物呀? 點會同狐狸做朋友」我:「咁你一陣睇下套戲米知囉」
...
食完Lunch, 就到戲肉, 連我也有少少期待, 因為似去探一位廿年沒有再見的朋友, 很仿如隔世感覺.
好喜歡現在的特別場氣氛, 非常正. 因為全場觀眾齊齊扮小王子, 小女孩, 及小狐狸...
SY:「媽媽應該扮狐狸, 因為係我朋友」, 不過阿太:「我唔做狐狸, 咁臭! 我做小女孩」
電影以小女孩的眼睛去看現實的世界, 及後因為接觸了小王子的世界而得到改變.
所以首十分鐘也是交代小女孩的怪獸媽媽, 如何要女兒入名校, 如何虎媽式鍛鍊女兒...
我第一個感覺:「係米講緊我隔離阿太呢?
咁鬼似?」, 不過SY拉我耳到他嘴邊:「係米睇錯戲? 又話小王子?」
我答:「佢隔離屋個伯伯米就係...頭先你話好大個鼻, 小王子個朋友囉」
其實, 飛行員由年輕與小王子的故事,
再發展至年老時, 再與小女主角的另一故事,
已經很有Back to the Future 感覺.
之後小女孩與《小王子》的故事, 戲裡, 戲外不斷穿插, 好正!! 最正更加是小女孩終於也發現,
生活要有意義, 一定不是在教科書中尋找,
而是要去感受...去玩! 去探索!
看到尾段, 忽然想起劉華一首歌的歌詞:「無知的小孩一晚長大」, 長大反而是更加殘酷, 望望小王子, 想一想自己, 會不會有人, 有朝一日都會乘坐一輛螺旋槳飛機, 來救我離開這個恐怖的現實呢?
SY看完好開心:「好嘢! 終於....(不想劇透)」, 不過我反而有點想哭, 總知愛在心內暖, 再遇老朋友, 不捨得夢醒, 不捨得離開, 不捨得可愛的小朋友長大.
沒有留言:
張貼留言