今日阿太約朋友去BBQ, 她出發前問我:「你帶囝去邊? (我:去排隊買芝士蛋糕)」, SY聽到接口:「又去上環? (我:唔係呀!另一間新開嘅), 係米又得5個咁少架?」好似每日限量400個.
其實, 我也不知道為何最近芝士熱潮如此旺場!! 同事知道我去排隊便說:「廿年前, 伊藤家都Hit到開足幾十間分店, 之後米無人食執晒, 點解無端端又興返呢?」
普通仁不懂如何回答此問題, 只知道全部過江龍都是日本人氣,
不過今次標榜廉價的 Uncle Tetsu's 就在日本, 台灣, 加拿大有超過70間分店. (難怪全店大廚也操流利國語, All Come From Taiwan ~ 點解不找日本師傅呢?)
阿太說:「$59都話廉價? 街口超羣Uncle Fong賣芝士蛋糕都係$23咋」可能味道, 用料不同呢? 未食又不能妄下判斷.
開放式廚房, 可以看得到整個蛋糕的製作過程,
原來這裡會分別將兩種粉漿拌好, 再混在一起, 才放入焗爐隔水焗.
時間一到, 鬧鐘一響, 大廚打開焗爐, 即時超濃的芝士香充滿整間店舖.
大廚會先拆包圍蛋糕的紙, 再遂一燒上聖誕大叔的Logo,
我Whatsapp給朋友R看, R問我:「點解會印阿Bob個樣上去呢?」我答:「係老闆徹思叔叔, 不過真係似阿Bob喎」
SY想食小蛋糕, 但店員說:「唔好意思, 因為個爐壞咗, 你Keep返張單, 12月24日 至26日幫襯之後可以憑單, 返嚟免費換一個瑪德蓮蛋糕仔, 日子遲D FB會講」(即係要望爐打掛)
今日等了50分鐘, 因為小朋友太肚餓, 所以我們即時走過巴士站開餐. SY:「嘩!好大陣芝士香呀! (我:即係好定唔好呀?), 梗係好啦...影完未呀? 爸爸, 我好肚餓啦」
始終表面有一層薄紙包裹著, 所以盒面有不少倒汗水,
導致徹思叔叔附近未能達到零回縮, 零皺紋...少少可惜.
不過, 入刀已經可以感受得到蛋糕超軟超綿勁滑, SY:「好似雞蛋仔咁香呀! 一定好好食...」
我問SY:「你覺得上環TOKYO
MILK CHEESE FACTORY好食, 定E間好食?」, 小朋友想一想:「梗係上環好食, 味道凍好似食雪糕, 同埋今日7分, 上次(上環)10分, (我:即係滿分?), 係呀!」
又是老套一句:「一分錢一分貨, 上環$180有兩層口感, 今次$59正正就是傳統芝士蛋糕, 不過較食了廿年的更滑更潤, 蛋味似十足雞蛋仔濃, 芝士味反而回甘才感覺慢慢滲出來.
店舖有溫馨提示, 如果購買後12小時後未吃完, 一定要放入雪櫃, 三日內要吃完. 回答阿太...$23元的Uncle Fong質感似香蕉蛋糕,
$59的Uncle Tetsu's入口即化, 惡毒得多, 不知不覺原來兩個人5分鐘, 將整個6吋Cheesecake KO掉.
6吋皇牌芝士蛋糕$59//
徹思叔叔 Uncle Tetsu's Cheesecake HK
地址 / 銅鑼灣景隆街3號B鋪
沒有留言:
張貼留言