2015年12月23日 星期三

【每日得5個】神乎奇技牛奶芝士餅~好食到爆 @TOKYO MILK CHEESE FACTORY

話說上星期五(18)凌晨, 只差1分鐘, 趕不及上載SY相片到「TOKYO MILK CHEESE FACTORY」官網, 做曲奇禮盒面層的貼紙...氣餒到喊.


心諗:「係米真係咁好食呀?, 7分鐘就60個名額爆滿. 而且睇官方Facebook, 日日中午12點過後, 一定張貼蛋糕售罄字樣...(大佬!你舖頭好似開12點喎!)


今日太婆生日, 昨日預先致電店舖, 店員竟然答:「如果你唔介意, 11點半過嚟排隊就最好, 因為好多人會係我哋門口等開門」




店員續說:「艾登芝士蛋糕 (熱食)我哋已經返唔到貨, 而牛奶芝士蛋糕(凍食), 每日只會返5. (:?我有冇聽錯?5), 係呀!唔好意思」


為免今晚沒有生日蛋糕, 於是我帶阿囝晨早11, 即開舖前一小時走到西港城排隊...顫顫驚驚步出上環站, 走到4號舖! Yeah! 我們排第一...不過


一個人也沒有...是否我去錯地方? 我第一時間推門問:「請問買芝士蛋糕係米出面排隊? 點解門口寫「滿記甜品?」店員:「啱呀! 因為我哋同滿記合作嘅」


如釋重擔的我, 還未來得及跟SY解釋, 人龍就開始陸續出現... (! 好彩早多半個鐘嚟到, 如果11點半先嚟, 肯肯定唔會有機會買到)

一到12, 店員便打開門列隊歡迎我們入內...我問:「係米有海鹽/蜂蜜曲奇混合裝賣?

店員答:「有呀! 不過40片裝早幾日已經無晒貨, E家只係得返20片裝, 但係每日都限量只有20盒左右, 我哋都無預計咁受大家歡迎」


舖頭長期派出兩位女店員提供蜂蜜曲奇給客人試食, 每次三份一塊, SY試了一次, 大叫:「好食呀! 爸爸可唔可以再攞?」我對細膽的他說:「你去問姐姐, 如果佢畀你, 咁米食囉」


結果他真的走去再問...可想而知, 他覺得這裡的曲奇一定好好味. 不過店舖銷量第一的海鹽味曲奇沒有提供試食, 我問了兩位店員, 也沒有答我...奇怪.


沒有試食, 就吃自己買的海鹽味, 二款比較, 海鹽芝士雖然沒有蜂蜜味一打開袋, 芝士味已經濃郁香噴噴, 但我反而更愛不會太搶味的海鹽.


雖然, 我不懂甚麼古岡左拉藍芝士, 還是法國蓋朗德芝士, 但後者更易入口, 話海鹽但味道比蜂蜜味更純, 更清. 我愛海鹽!!


之後便到今次的主角, 每日限售5個的, 牛奶芝士餅 Milk Cheese Cake (HK$180)...這個凍食的蛋糕, 不得了.


最初, 單單看外表, 平平無奇, 打開蛋糕盒又不覺特別香, 還以為中伏...一切開便發現, 上下兩層, 又慕斯又混入芝士, 好像很有內涵.


一啖放入口, 簡直神乎其技, 兩種不同感動, 好似正在食雪糕蛋糕, 底層似千層蛋糕, 最表面灑上蛋糕碎, 滋味到爆...


全枱人包括我十分挑釁的母親大人, 竟然也一致讚到天上有地下無. (不過, 事實真係好鬼好食嘅)



蛋糕在口迅速溶化之際, 我心就好後悔...「早知咁好食, 今朝限一人買一個, 我明明兩個人, 點解唔買兩個呀!! 蝕晒呀!! 揼心口呀!!



TOKYO MILK CHEESE FACTORY

上環分店 (滿記甜品)
地址 : 香港德輔道中323號西港城地下4-6號舖
電話 : 6010 9635
時間 : 正午12時至晚上9時



大仁生活facebook

沒有留言:

張貼留言