2015年12月30日 星期三

【銀座名物~唔駛排隊】$19一件曲奇‧真心貴!! Ginza West

朋友Whatsapp:「日本大排長龍曲奇店係囍帖街開咗店呀! 銀座嗰間呀, 你都去買啦」. 其實, 老老套套的我未食過Ginza West...我答:「好出名架?


今日, 第一次走到翻新後的利東街...雖然沒有反感, 但一想起當日大地產商如何迫走居民, 望到現在冷冷城堡式設計, 感覺勁太自然.



文華酒店式的顯赫裝修, 不是尚等仁的我總覺得有點格格不入...內裡一位女客人說:「我去親日本都一定買返嚟食架, 乜牛油酥條賣晒啦?


店員:「前日賣晒, 我哋啱啱返咗貨, 不如你行一陣, 因為散裝未拆得切. (女士: 我住北角架! 又唔知行邊, 點算呀), 你唔介意坐低等一等好唔好」


我心諗:「乜真係咁好食咩?」本著「唔執輸」心態, 我又執一些散裝... 我問店員Remy有何推介, 她答:「我個人最鍾意鹽曲奇($19/4), 鹹鹹地, 細細粒, 特別D囉」 



期間有客人問店員, 為何不開在銅鑼灣...店員笑一笑:「如果開係嗰度, 可能你要排長龍喎, (:咁又係...E度都好, 唔駛排隊)(其實係讚定踩呀?)




曲奇散裝, $19一件, (我覺得貴!!), 試一次沒有所謂, 自己食可能有點奢侈, 如果好食, 新年買禮盒裝來送禮可能好一點.


簡簡單單執少少曲奇, 盛惠$286...付款之後我才發現, 15件什錦曲奇禮盒裝也只是 $300...早知睇清楚先買啦! 蝕底...


傳說中的人氣樹葉餅, 平均$14一塊, 脆岳岳的酥餅, 表層灑滿砂糖, 鬆甜輕巧. 不過, 潔癖仁絶對嚴禁家中進食, 要食一定出街食, 食到周圍糖, 好恐怖!


SY竟然大愛Remy推介的鹽曲奇:「鹹鹹地, 好得意...爸爸! 我可唔可以再食呀?」結果他一口氣KO了三粒.(你唔係鍾意食甜嘢嘅咩?)


似十足蛋糕的「維多利亞」, 反而我嫌夾在中間的士多啤梨果醬太少. 蛋糕曲奇的質感, 個人麻麻地. (早知唔買E款啦)


我自己最愛杏仁餅, 層次感最多, 真的由數十粒杏仁舖滿而成, 曲奇較少...心諗: 「係唔係我唔識食呢? 我鍾意樹葉餅同杏仁餅都係勁少曲奇喎!


樹葉餅$70/ 5//維多利亞$19///鹽曲奇$19/4//芝士酥條$130/18//15件什錦禮盒曲奇 $300

: 真心貴!! 我認我唔識食, 我情願買TOKYO MILK CHEESE FACTORY海鹽曲奇, 平一半有多.


Ginza West
地址 / 灣仔皇后大道東200號利東街G13鋪
電話 / 39745888
營業時間 / 周一至周五11am-9pm 周六、日:10am-10pm


大仁生活facebook

沒有留言:

張貼留言