今年聖誕, 走去銅鑼灣又可以扭聖誕波波啦!! RE: SHARE A WISH~
去年我們遲了知道, 一心帶SY去扭波, 結果只見到一部吉吉如也的扭波機, SY很失望:「點解咁快無晒??」...所以, 今年當然要第一時間去扭啦!!
$50一個「願望代幣」, 有分普通銀色版, 及金色限量版... 大會將全數捐贈「救助兒童會」.
一個銀幣, 可以扭一次膠樽重塑聖誕波...24款聖誕波, 有阿太最想要的Miffy, SY想要Line熊大,我想扭到妖怪手錶, 足球小將, Ape...
登登登凳...結果, 我的願望代幣為我帶來...
地縛喵...Yeah!! 不過, 阿太隔空電話大叫:「點解你扭唔到Miffy㗎?」
(如果我話事, 咁一早跌個金色代幣畀我仲好啦)
金色許願幣, 可以扭大紅聖誕波, 而且即場左轉左轉, 才掉下來...內附神秘聖誕禮物. (不過我無份, 所以唔知裡頭有D乜喎)
玩過SHARE A WISH願望扭聖誕波之後, 希慎大堂原來有期間限定「nanoblock Gift Studio」, 好多 nanoblock 積木...
輕鬆小熊, 史樂比, 我曾經見過nanoblock的幪面超人喎...不過, 今次沒有展出. (Show埋出嚟就發達!!)
今次, Studio最正便是設有一個免費比賽,
一共兩關, 只要你排隊便可以參加,
(唔駛消費真係最正!!)
第一關...只要在1分30秒內完成一個正方小禮物, 就會得到一個銀獎杯...
成功挑戰的1000位nanoblock贏家, 可以進入第二關...
第二關...只要在3分30秒內完成一個聖誕老人, 便可得到金獎杯...
如果兩關都最快的一位紀錄保持者, 嘩!發達啦, 可以於 Studio內, 任掃積木20秒.
我記得細細個睇歡樂今宵, 最想成為限時任掃玩具的主角,
當年我真的寫在中文作文的題目內, 結果老師說:「E個唔係志願...」(車!!仁各有志都唔畀...)
看來我要積極練習, 不過nanoblock真的很細粒, 我拿上手又跌, 再執又跌...SY手細細, 會不會易成功呢? (咁要搵埋佢一齊練先得喎)
nanoblock大比試時間:
即日至12月31日
每日: 19:00- 21:00 (星期六, 日, 公眾假期加開:16:00-18:00)
大仁生活facebook
沒有留言:
張貼留言