我家的「杯緣子」專家, 由上星期開始已經不停說:「好緊張!好緊張!...星期日可以見到古屋社長,
原作者田中, 同杯色子...」太興奮的阿太, 足足一個星期瞓著都笑醒...(變態!!)
The ONE今年的聖誕商場Show, 就是近年扭蛋奇葩「杯緣子」（コップのフチ子）, 亦是阿太瞬間收藏過200粒的新偶像.
在露天廣場的巨大1:1真人版杯杯, 連SY也說:「E隻件衫...點解同E度個名一樣嘅? 媽媽...你E隻無喎」
阿太即時大叫:「非賣品嚟架...我尋日特登嚟買咗$2000嘢, 先可以換到, 每日得30隻咋, 好彩我早去, 網友話7點就換晒」(乜要買幾千蚊嘢, 都咁多人咁瘋狂換??)
乾一杯, 乾一杯...恭祝友誼, 放大版杯緣子, 真的靚過阿太細細粒的多多聲...
不過阿太無動於衷, 我問:「你唔影呢?」, 阿太:「你影阿囝得啦...因為太大隻, 我放我嗰D落去, 好細, 唔襯, 一陣上樓上先影」(一大一細米仲靚)
L2長廊有杯緣子陪你High Tea, 不過是港式茶餐廳, 紅豆冰, 菠蘿包. (架妹食茶餐真的Kawaii)
扮食飽飽就結帳, 小朋友話:「你食咗好多嘢喎...咁你要唔要請埋杯緣子食呀?」(扮嘢啫...你話點就點囉)
夢想號黃包車我叫小朋友坐上去...SY說:「E架咩車嚟架...會唔會郁架?爸爸...我好似未見過有咁嘅車」(我都係以前係澳門坐過,
黃包車你又點會見過吖)
之後便到戲肉...商場中庭...SY:「爸爸...我扮得似唔似呀??」...這個「E字馬」你不夠緣子來...你曲曲腳...好水皮.
這個有超過2500隻杯緣子的玻璃杯聖誕樹, 阿太不敢走過來影相, 她細細聲:「一陣我放我D緣子落去, 佢哋以為我偷就死...」(唔係呀!2500隻都黐實咗架)
有時也不得不佩SY...他竟然𢕇20層的聖誕樹當中找到特別款...「嗱!爸爸...我講你知, E隻媽媽係無架...(剩係E款無咋?), 好似係...上面嗰D我唔夠高睇」
今日的POP-UP-STORE, 阿太又瘋狂了...「你唔好嘈啦...有啲色我無..好忙呀! 彩虹7色又要下星期先有...我到時又要嚟過, 都唔明點解今日無...激氣」(車!!睇你個款...日日都會嚟啦)
當我又叫SY扮車厘子緣子之際, 阿太好大大力拍我...「嚟啦!嚟啦!佢哋嚟啦...」
全場即時起哄, 因為三位主角出場啦!! 原作者田中 先生以9秒9畫了杯緣子, 粉絲們尖叫...(原來香港真係有咁多人鍾意杯緣子)
三位都可以幫粉絲簽名, 當然首先找社長啦...原來古屋社長只有40歲. (咁年輕就有一間咁賺錢嘅玩具公司, 羨慕死)
之後田中 先生問阿太想畫甚麼, 阿太竟然驚到口震震:「畫杯緣子就得啦...」(哎呀!你應該叫田中 先生畫我哋三個呀! 嘥晒個大好機會)
杯色子最攪笑, SY:「點解杯緣子係女仔, 佢係哥哥, 定姐姐?」我答:「你鍾意Love Live, 你都可以扮穗乃果呀, (SY:點扮呀? 穗乃果係女仔, 我係男仔), 咁先夠出位!」
集郵是我的名字, 我怎可以放過呢? 今日無緣單獨與三位合照, 不過, 每位也可以分開集郵, 算是成績很不錯.
事後, 我問阿太:「點解你成隻手濕晒嘅...」, 阿太笑到見牙唔見眼:「頭先我好緊張呀! 好開心呀!同到佢哋影相」(駛唔駛咁誇呀?)
PS: 今日我都好開心呀! 因為我請杯色子幫我在阿太的杯緣子雙腳紋身...哈哈!! 阿太:「我唔明...點解要寫大仁生活係我個杯緣子隻腳度囉」
The ONE
沒有留言:
張貼留言