軟綿綿, 肥嘟嘟的比卡超這三日會震騰騰走遍香港, 九龍呀!!
星期五錯失了觀塘一見, 所以今日中午, 我一早就走到銅鑼灣...我出門口時問SY:「你去唔去見比卡超?」, SY:「唔去...我E家唔鍾意佢喇, 壞蛋阿BOB我就去」(車!! 算...我自己去)
下午一時到達銅鑼灣地帶, 點解一點黃色也找不到呢?
左逛右逛終於給我在SOGO後門發現比卡超小貨Van...好攪笑!
我探頭車內, 只有三位比卡超姐姐, 我八卦問:「唔見比卡超嘅?」, 工作人員邊忙為貨Van變身, 邊答我:「佢係另一度嚟緊」...(唔講我都唔知...部車無咗對耳添)
比卡超還未出場, 唯有跟比卡姐姐拍一拍照,
留念一下先.
終於比卡超出場啦...不過...點解得一隻...咁少嘅? 我還以為如宣傳照一樣,
5隻齊齊出動.
不過一隻的魔力已經不得了, 長長的人龍, 個個也笑得見牙不見眼. 我當然笑與不笑也不見眼吧!
全場最觸目一定是肥嘟嘟比卡超, 配上比卡姐, 再手抱一粒小卡超...哈哈!! 真的絶配.
在我後面的妹妹問比卡姐:「我想問妳件衫係邊度買架?
好靚」, 比卡姐答:「嘻嘻...好靚呀, 不過係公司畀, 應該無得買」(我都想著住同比卡超影相)
正面的比卡超大家見得多, 她的背面應該比較罕見,
最難得就是小卡超也在上面喎.
8/11 (日)
12:00-14:00 旺角 (西洋菜街南/弼街始創中心對面)
15:00-17:00 尖沙咀 (新港中心旁天橋底)
18:00-19:00 Mikiki
大仁生活facebook
沒有留言:
張貼留言