昨日阿太傳來「O'Casa 屋喔」的相, 說不如去試, 我答:「幾好喎, 有D《咖啡弄》Feel, 又係中環」阿太:「我諗住旺角咋, 阿囝第二朝又要返學, D網友話係平價版《茶木》喎」
因為這店的電話打不通, 於是我們直接上去排隊,
但找遍朗豪坊4樓也不見「屋喔」, 於是問詢問處, 工作人員半笑口吻:「朗晴坊係戲院隔離楝大廈,
唔係E度」
我一邊行一邊跟SY說:「車!人哋叫朗豪, 你又改個名做朗晴, 真係麻煩...」走到大廈門口, 突然有點卻步, 心諗:「乜好似咁噏耷」, SY說:「爸爸, E度好細」(真係又細又窄)
今晚在沒有訂位的情況下, 在走廊等了30分鐘, 算是可以接受. 一走入「屋喔」, 嘩!果然沒有錯, 室內抄得很《茶木》...
其實, 店內有一個小露台, 木板地, 木條圍欄, 木枱, 木凳配水管設計, 好Raw很有風味, 還有師傅即場燒豬, 牛, 羊, 我鍾意這個郊遊Feel, 多於抄人Feel啦!.
我問店員可以推介的食物, 他說:「蚵仔燉飯幾唔錯」...好呀! 結果來了一碗Risotto,
我說:「係米攪錯咗?」, 阿太答我:「啱呀!Risotto咪即係蚵仔燉飯囉」(唔睇餐牌點菜真驚喜, 台式店原來都係吃西式嘢)
用餐具的一刻更驚喜...(識我嘅人都知我係潔癖怪),
但今晚竟然給我發現飯焦叉叉叉, 登時打了一個突...立刻換過全新羹叉, 再用酒精紙抹得一乾二淨
奄尖阿囝排隊前已喊肚餓, 所以很快KO了大半, 還說:「爸爸你要唔要食??」(你留返三啖我試就得)...
黑松露不多, 意大利飯加蠔仔, 其實半點沒有令我聯想到台灣. (好彩SY今日肚餓啫, 我真的麻麻地想食)
到黑毛豬排意粉上台, 因為我看到剛才露台即燒的場面,
所以更覺得如果可以坐在外面吃黑毛豬, 風味更正!!
可惜意粉是孤獨的, 沒有味道的, 豬扒還豬扒, 意粉還意粉的感覺最討厭. 不過BBQ豬扒我食得很開心.
炸雞翼則沒有任何印象, 水過雞背, 不突出又不差, 就是沒有性格的雞翼四隻.
反而SY飲的荔枝愛玉, 這種又似啫喱, 又似蒟蒻的植物, 我最喜愛, 這滑嘟嘟的感覺, 而且杯底有一大堆, 也算慷慨呀!
好飲的程度, 看一看這位小朋友要飲至一滴也沒有的舉動, 就知有幾吸引. 我:「點解你要飲到個頭咁高呢?」, SY:「咁嘅方法先可以飲埋最後一啖囉」
不過, 這裡的雜果花茶就抄得不夠功力,
記得《咖啡弄》採用又肥美, 又搶眼的鮮艷水果, 但今次的青咇咇, 暗瘀色的效果, 真的飲得出水果也在流淚.
最後的甜品芝士蛋糕, 嘩!冰凍得最合適準備換牙的SY, 應該有「就甩就甩」的乳齒可以一次過脫掉, 而且又沒有芝士味的芝士蛋糕,
非常無罪惡感...因為簡直唔想食. (隔離杯木槺布甸正常得多)
為何每枱也有一個水管公仔呢? 我叫阿太拿出來玩玩, 她答:「黐實咗架, 點攞呀?」店員說:「如果坐出面, 佢會發光當燈用, 不過裡面就只係裝飾用」
屋喔的店員算熱心, 又有禮貌, 否則我真的很難找到優點去讚, 阿太:「D人仲話平價版《茶木》...車!都唔係平好多, 我情願畀多少少去食《咖啡弄》, D嘢食又細碟, 杯花茶難飲到呢...請我都唔再嚟」
(我一早叫你去中環總店啦...你又話要嚟旺角, 不過我都係唔會搏, 抄人都會功成?? 盤古初開都未有例子啦)
屋喔 O'Casa
旺角砵蘭街215號朗晴坊4樓
2321 5131
大仁生活facebook
沒有留言:
張貼留言