網頁

2015年11月27日 星期五

【姆明嚟啦!!】聖誕森之庭園 7次 Meet & Greet @ MOKO新世紀廣場

去年聖誕, 我帶SYLcx食姆明Café, 臨走時他竟然哭得死去活來話:「唔捨得姆明, 唔想走...」所以, 今日去新世紀見姆明, 我怕又歷史重演, 所以單仁郵集最安全.


其實, 我昨晚向SY打聽:「你記唔記得姆明? (囝諗了一下:咩話?? 無明指呀??),上次尖沙嘴你住唔想走個白色公仔」, :「有咩? 我有喊咩?...!記得...記得...白色河馬」



好彩SY沒有失憶, 不過, 網上傳聞...原來姆明並非河馬, SY:「點會唔係河馬呀? (:「佢本來係大惡巨人, 變咗做善良嘅侏儒精靈」), 即係壞人嚟呀? 你講真講假?(維基講架)


商場FoodCourt, L3戶外區有一個不秘密花園...!亞美原來一早已經不停油油油. 其實, SY不是太愛靜態活動, 所以, 除了早幾年阿太迫他上繪畫班, 他現在也對任何填色不感興趣.


相反這位小可愛亞美, 則非常主動, 要送我一隻Dinosaur, 為何是Dinosaur? (因為我口痕, 想她畫在其他姨姨嘅手, 點解佢以為我鍾意, 畫嚟送咗畀我)


中庭的姆名谷森林, 絶對忠於原著的, 一定是史力奇獨坐橋上吹口琴...不過, 點解我隻船得一隻槳?? 就算滿河樹精, 我結果都返不到上岸, 點算??


今日Pop-Up-Store有姆明都學DO姐一樣去Shoping, 不得了...如果SY今日跟我來, 一定將所有軟綿綿亞美, 樹精, 姆明, 史力奇抱住不放.


姆明本來想買亞美返屋企, 不過我搶了他, 因為阿太鍾意亞美, 我影張相給她, 等正在返工的她羡慕一下我囉!!



最初我好奇怪:「無端端點解有堆咁大舊嘅草係個場度?」原來, 退後5步睇一睇....!姆明呀


聖誕樹姆明還會閃黃閃紫發光...(如果再閃勁啲, 或者周圍暗啲啲, 效果會更正喎)


全場最好玩, 一定是全景SelfieWally...就在姆明樹的旁邊輸入電郵地址, Selfie就正式開始, 不過鏡頭在那裡呢?


3樓呀! 齊齊望上頭頂3樓的橙色大機相, 10, 9, 8...3, 2, 1 !!


嘻嘻!! 居高臨下你可以找到老仁與亞美嗎? (哈哈!! 點解我明明同姆明影, 出來變咗亞美呢? )


左影右影, 肥嘟嘟的姆明開始攰, 他帶我回家與歌妮大合照, 中間位置又剛剛夠真姆明坐底喎...接住肥肚腩的姆明起攪笑. 我第一時間聯想到SY每晚急急出宮的情景. (我太屎尿屁!! 唔好意思各位)


記得上年的Moomin Café, 可以有樹精帽借來拍照, 如果今日的魔法森林, 一樣有道具借我跟姆明合照就發達


話時話...點解今日不見史力奇, 歌妮, 亞美伴姆明齊齊現真身呢? 莫非全部走了去冬眠?


如果大家也想跟姆明集郵, 記得以下日子... (12月有7: 6, 12-13, 19-20, 26-27) 
時間: 14:00-16:00 , 地點: MTR, L3, L4樓層




日期:2015 年 11 月 28 日至 2016年 1 月 3日
地點:MOKO新世紀廣場


大仁生活facebook

沒有留言:

張貼留言