中環都有玩具舖?? 除了反斗城外, 我從沒想過「太子大廈」竟然有一位玩具大師, 經營了一間玩具店16年.
Toy Museum的玩具藏量驚人, 數量之多, 兩邊玻璃門, 一邊已經一早被藏品堆積成不能開啟. (心諗:係米博物館嚟㗎?)
收藏玩具超過40年的大師Ambrose:
「E度只係我貨倉存量十分一,
我都無時間理, 賣咗E度啲貨先算」(我真係好想參觀你個玩具倉呀)
1989年我們因為搬屋, 全部玩具也被家母棄掉...原來大師也有類似經歷:「14歲嘅我, 當年都算高頭大碼, 不過D人見我成日玩玩具, 不停叫我細路, 十幾歲𡃁仔梗係唔鍾意被人叫細路...」
為咗盡快脫離「小朋友行列」, 大師便一口氣拋掉所有玩具,
「之後真係揼心口, 後悔都不得了, 不停問, 點解自己咁鬼愚蠢」(唉!被人揼晒D玩具, 同自己揼...好似你慘D)
Toy Museum最貴的一件玩具, 身價高逹6位數字, 這是一隻面目猙獰, 生於1925年德國, 一生坎坷的玩具熊Peter.
(嘩!Peter個樣咁恐佈, 點會有人買㗎?), Ambrose說:「Peter好慘, 一生都屈係倉底, 從來無人同佢「親熱」過, 上次我係加拿大一個玩具展買返嚟, 因為產量少, 所以佢身價貴過一隻6位數字嘅名錶」
雪糕妹, 雪糕仔, 其實我從未見過... Ambrose:「佢哋係Made in
HK㗎, 不過買去外國, 當時香港叫Toy Town, 因為人工平...」
(乜佢哋成家人咁得意?) 大師:「我係加拿大買返佢哋公公,
婆婆返嚟, 好多人跟本唔知有一家人,
以前唔受歡迎, 無人理, 今時今日要買成$9000一隻」
原來, 雪糕妹頸上應該有條雪糕頸鏈,
但Ambrose也不見了, 他說:「杯雪糕先最值錢...我E隻無咗杯雪糕, 如果有...價錢分分鐘可賣貴一倍」(咁!E杯雪糕真係貴囉)
其實Ambrose由1997年開始更鑽研玩具復修, 現在是中環一位著名的玩具醫生... 最新的「病人」便是這位1950年的英國公仔.
Ambrose:「幫人整玩具, 我自己最開心, 因為整嘅過程就等如自己玩咗...所以我從來唔講比客人知, 要整幾耐...因為我想玩耐D...哈哈哈」
大師說:「個女主人係熟客, 千叮萬囑一定要整返好, 因為E兩隻公仔陪咗佢超過50年, 又係佢爸爸送嘅, 所以好有意義...」
結果, 之後大師只用了2天就回復原貌, 穿針引線, 解決了當年生產商用的脫模劑問題.
其實Ambrose除了是玩具醫生, 收藏家, 更是玩具百科全書, 今次他教識我:「幾十年前, 如果係外國, 你玩G.I.JOE會被人笑你乸型」(唔係呀? 邊有女仔玩士兵㗎?)
𠩤來外國傳統, 男仔要玩Teddy Bear, 女仔先玩Barbie,
而G.I.JOE就正正就是同一樣的公仔.
(咁得意??)
地址: 香港中環太子大厦 302鋪
電話: 852-2869-9138
大仁生活facebook
沒有留言:
張貼留言