網頁

2015年11月11日 星期三

【多啲‧近啲】原來咁就6000朵聖誕玫瑰LED @黃埔


今日接放學時我對SY說:「一陣我哋去黃埔睇花海」, SY:「咩海? (我:即係好多花, 堆埋一齊...),  即係我哋後面花墟? 咁有咩好睇?」




我無力招架:「不過今次會著燈呀!! 總知你跟我嚟啦!!」SY:「睇完我可唔可以去睇玩具?」(得得得...乜都得)

我們一踏入商場, 阿太與SY即大叫:「吓?乜咁就係花海啦??」 (其實都算流流地...)

我說:「E度係話可以幫我哋影相喎...影下啦...」不過, 拍攝完後, 不會Email, 又不會列印出來, 只可以昂起頭在, 大電視回味.

SY: 「點解等咁耐都無嘅...(我:你再等多10秒)...20秒都過啦, 都唔...有啦!! 爸爸...有啦」

我們如是這, 很無聊的影完又等, 等完又再影...有時「流流地」, 但對無聊仁來說, 原來都可以幾歡天喜地.

之後, 我們便走出大街,  黃埔船頭, 睇睇6000朵粉紅玫瑰LED組成的花海. SY:「點解唔畀行埋去D燈度嘅??」(老老實實, 真係隔住晒, 咁無癮㗎)

宣傳說以浪漫迷人花海來吸引我, 最初以為...起碼也有2013聖誕節, 沙田新城市廣場~7樓空中花園「光是浪漫」燈飾啦...

勉強...如果我遷就一下角度, 其實都算「呃得下人」, 不過如果再多6000朵玫瑰LED花. 應該會吸引得多.


SY:「爸爸! 影完未呀? 我去睇得近啲近玩具未呀?」不要說小朋友, 就連多對小情侶, 手機左右拍一張, 都立刻離開...

所以, 我真的不明白, 為何有一位龍友先生, 配備腳架, 長短火, 還企足45分鐘還未走...(乜真係咁好影咩??)


地址:黃埔新天地、時尚坊及聚寶坊
日期:2015年11月10日~2016年1月3日



沒有留言:

張貼留言