網頁

2015年11月13日 星期五

【夜光巡遊】仲有2日~免費任玩任食任影相 @ 渣打藝趣嘉年華2015

「希望唔好落雨, 希望唔好落雨」前晚我不停口噏噏,  SY:「爸爸! 落雨又會點呀?, 我答:「落雨米無得睇靚靚「渣打藝趣嘉年華」 ~「夜光巡遊」囉」


一年飛快就過, 上年第一次睇預演, 突然又已一年...去年同樣下著毛毛細雨, 巡遊如期進行, 不過, 今年巡遊取消了...吓???


本來極失望的入場...誰知所有「夜光主角」遍佈維園任人集郵...!真的天助我也...我愛合照多於齋睇多多聲啦!!


我叫SY:「嚟啦!嚟啦!大公仔嚟啦....(SY:好醜樣呀!爸爸). 工作人員:「小朋友, 你點知佢叫做醜公主嘅?(嚇死阿囝, 當他聽到原來姐姐知佢講隻公仔的時間...~).


影完公主, 便影Queen of Night...(!!口大鼻大的王后, 點解咁似我阿太呢??), 不個整晚只有Queen, 沒見過King...(莫非真的無得King?)


大公仔會發光, 1:1發光人同樣過癮, 我看到全晚最襯的發光情侶, 應該就是這一對. (我估咋...跟本是由兩位不同的設計師設計而成的)


Ms Fat 就是紫色捕鳥人‧巴巴吉樂的設計者, 她說「我有份幫手新年花車巡遊, 所以大會今次再邀請我...(好靚!你設計咗幾耐?), 我攪咗成個禮拜呀! 趕到我吖」(原來快功都一樣出靚貨)


原來漆黑一片, 睇夜光雜技, 非常之正!! SY:「我都想玩搖搖呀!」我一樣想試揈揈揈, 夜麻麻揈著發光搖搖, 發光掍特別靚.


有小朋友玩氣球, 等食爆谷, 已經沒有跟我去拍照...沒問題, 你不去更加好, 我自己和工作人員傾計...!


三劍俠臨離開前, 被我捉住, :E條蛇嚟㗎??, 工作人員:「係呀!!《鵝媽媽組曲》陶瓷公主中的蛇王子, (我都未聽過嘅), 咁又係, 真係好少香港人睇過嘅」



藍色鳥人:「我叫森巴, 我頭頂隻叫大雀係嚟自〈一千零一夜〉, (乜你都有名㗎? 咁勁嘅...可唔可以著燈呀?), 無電呀! 所以差唔多要收工啦」


明燈...我終於不用問工作人員, 都識的唯一大公仔, 我教SY:「嗱!E個爸爸識呀! 係阿拉丁神燈呀!SY更得戚的答:「燈神吖麻, 我都識啦」(!!)


本來SY想畫臉, 但因為我要等所有大公仔20:45離開後, 才到畫臉區排隊, 結果原來已經截龍...(好彩佢有波波玩, 有爆谷食, 先無扭計...好彩!!執返身彩)


之後有一個氹氹轉, 菊花園, 我好後悔沒有走入去轉...原來可以有相, 20Video送給你.


SY一見即場電視機有自己, 便拉住媽媽:「我哋呀!!...


不過阿太:「轉到好暈就真, 等你爸爸頭先一味仲叫我笑...笑乜鬼吖! 我有D想嘔添呀」(...我點知喎)


最後, 當然要到自拍館來一個難得家庭即影即有相....SY:「我唔要大隻佬...大隻佬無著衫, 好核突」(如果我練到咁大隻, 我都日日唔著衫啦, 幾型呀!點會核突)


今晚「夜光巡遊」就此完美結束, 14/11, 15/11藝趣嘉年華一樣於維園有得玩...免費玩攤位遊戲, 任食任贏獎品, 記得早少少入場排隊呀!

11月14日:10:00 17:00
11月15日:10:00 16:30
地點: 銅鑼灣維多利亞公園中央草坪
免費入場

夜光巡遊
日期: 14/11/2015 (星期六)
時間: 8:30pm-9:30pm
地點: 銅鑼灣利園一期至希慎廣場

壓軸巡遊
日期: 15/11/2015 (星期日)
時間: 3:00pm-4:30pm
地點: 銅鑼灣維多利亞公園至東角道



大仁生活facebook




沒有留言:

張貼留言