Cinnamoroll原來是玉桂狗, 朋友說:「你唔係唔識呀?
Cinnamoroll係今年Sanrio人物大賞第三名嚟喎, 你仲話係商場Blogger??」
我答:「真係唔識, 我只係知第一名係布甸狗, 因為係SY最愛」
山長水遠走到新港城, 哦! 原來我一直以為是棉花糖的公仔, 竟然是一頭小狗...而且我以為全部也是 Cinnamoroll 的不同顏色版本, 不過...
同場有玉桂狗忠粉, 不停說:「Mocha , Chiffon, Espresso...衣...Cappucino, 及Milk去咗邊呀?」(乜原來隻隻都唔同喎!)
我本來帶SY齊齊來, 不過我說:「玉桂狗會出嚟同你影相呀!, (SY:咩玉桂狗, 我只係鍾意布甸狗咋)...佢同布甸狗都好Friend」(出埋布甸仲癮唔到你...)
SY:「咁即係唔係布甸狗啦...咁遠...我想去嫲嫲度玩多啲」(車! 有好嘢你都唔識欣賞)
終於等到指定時間, 玉桂狗出場啦!!...第一眼真的有點驚訝...
因為Cinnamoroll一定是我目前遇到最細細粒的Sanrio人物. 心諗:「之後係米有隻大嘅, 係佢爸爸拖住手, 兩隻一齊出嚟呢?」(結果...當然係我諗多咗啦)
老實說, 我真的覺得玉桂狗與布甸狗有7成相似, 於是我又立刻Whatsapp給SY:「布甸狗出嚟啦!!」
在嫲嫲家玩得好高興的SY錄音回應:「都唔係布布, 佢頭頂都無布甸, 我玩緊呀...拜拜爸爸」(吓??駛唔駛咁絶情對我)
雖然我第一次見這隻頭頂粉經色咖啡杯的玉桂狗, 不過他的動作好攪笑, 左攞右攞又得意, 特別是他的雙手十分短, 跳舞時PatPat又會左扭右扭.
估不到這位人氣王季軍真人細細粒, 真的超級得.
他表演單腳企一企, 已經連我這位阿叔也不禁即時拍手, 我還忍不住大叫:「好嘢!!」(其實咁細粒...係米小妹妹扮嘅呢? )
而Boxing Day當日, 15:00更會走來即場跳舞...哦!! 難怪今日Cinnamoroll舞步如此有趣, 睇完玉桂狗跳舞, 我開始有少少鍾意咗佢添...！
即日至 2016年 1 月 5 日
馬鞍山新港城中心 L2天幕廣場
大仁生活facebook
沒有留言:
張貼留言