我有一個疑問...究竟經常甩口甩鼻的薯蛋頭兩夫婦, 真的來自ToyStory嗎?
阿囝答我:「梗係啦, 你見唔到係套戲, 同三眼仔一齊㗎...呢...爸爸, 迪士尼都有薯蛋頭啦?」
我當然知道ToyStory有薯蛋, 但我有印象, 小朋友時就在電視見過他們, 我肯定ToyStory都未有人構思...
萬能的Google幫我找到答案啦!!...原來, 薯蛋頭真的不是來自電影, 兩位已經是老夫老妻, 今年竟然63歲啦.
最驚訝當年小朋友玩薯蛋頭, 甚至是出動真的薯仔...(吓???好得人驚, 畀我如果有儲, 分分鐘今日打開個櫃, 「牛」晒成堆蟲走出嚟...)
最重要是上網竟然找到, 2012年新年自己日誌的相, 吓!!! 我完全忘記了3年前薯蛋頭來過香港商場慶祝60大壽....仁老原來真的會失憶㗎.
雖然, 寶琳對我來說都算遙遠,
但為了集郵, 我可以去得有幾盡, 得幾盡...(可惜阿囝要返學...無得帶埋佢嚟試玩)
我愈來愈覺得新都城的商場Show, 參與度最高, 正如上次炸彈人一樣, 不用商場消費, 只要排隊就可以玩遊戲...(真心覺得「咁先係路」, 成鬼日要人買夠幾多錢先可以玩...太小家啦)
一定要兩個人合作的「特薯大任務」, Yeah!今日有薯蛋頭陪我玩...30秒內完成任務, 玩完竟然整個過程都會被拍下, 免費可以下載...正到爆!!
我覺得薯蛋頭絶對是一隻潛力股, 因為他的Cosplay成份, 簡直與我近期誤墮的Be@rbrick一樣...
扮變型金剛, 復仇者聯盟,
Starwars, Simpson, 我真的怕有朝一日, 我又會跌入薯蛋的玩具陷阱...
而商場最高潮的活動, 一定是「一人一薯制作室」.
於12月19、20、24-27日, (得6日only), 商場內買滿$2800,
大會就會送你一隻「薯蛋身」.
而場內有大量不同款式的薯眼, 薯耳, 薯口, 薯鼻, 薯手, 薯腳, 薯手袋...你鍾意點砌都得架.
最後提提大家: 薯蛋頭夫婦將會於12月6及25日，下午2時出場與大家抱抱, 學阿囝話齋:「佢D毛毛好舒服呀!好好攬呀!我唔捨得佢走呀」
即日至 2016年1月3日
免費遊戲「特薯大任務」及「瘋薯風中轉」開放日期:
11月28、29及12月5、6、12、13、19、20、24-27日
MCP 新都城中心 2期 L1 天幕廣場
大仁生活facebook
沒有留言:
張貼留言