網頁

2015年11月1日 星期日

【南華會免費同樂日】11月15日~有個傻佬早咗3星期去...會點?

上星期跟SY玩完糖廠街美食市集後, 就快快手拉他去銅鑼灣南華會, SY:「爸爸!點解要行咁快呀? (要快快快快快...因為有個全民運動同樂日玩呀!)


因為知道同樂日15:00就完結, 當時已經14:00...太心急的我:「唔好慢吞吞食雲吞啦...就完啦, 你無得玩唔好喊, 好多攤位遊戲架」




當我們抵達南華會...一切非常平靜, 似散場了很久樣...於是我指着海報, 大大聲跟SY:「全民運動同樂日...係米...咁早完嘅?? 定係D人玩得細細聲咋..., 一位同LIFT的姐姐一語中的答:「同樂日係1115號呀!?


(哎呀! 眼大先會睇過龍啫...我眼咁細, 點解月份日子都睇錯晒呢?) SY:「咁E家點算呀?」其實, 我也不知道, 終於我們跟了一對父子上了體育大廈5樓天台人造草球場.


阿囝好開心:「嘩!咁高都有個球場...但係爸爸點解無波? 我想踢波」, 我望一望周圍, 眼尾就見到一個波, 於是指給SY.


阿囝好興奮衝過去, 用力一踼:E...E個都係波? 咁樣點踢呀? 都唔係圓形」(咁其實E個係咩嚟?)


正當我們攪攪震之際, 剛才的兩父子原來已經換好球衣, 正在熱身


我上前問:「其實E度係米要BOOK?, 那位先生點頭:「係呀!我同D朋友BOOK,  $350 / 小時...(!唔好意思), 唔緊要, 朋友都未到齊, 我借個波你哋玩一陣吖, 無問題嘅」


正正因為有如此慷慨的一位先生, 我和SY就可以無料踼足球, 還踼足5分鐘. 之後不願離去的SY, 最後我帶他走到後庭龍門架, 免得阻礙他人練習.



SY對我說:「不如我哋都BOOK...(!$350咁貴, 同埋玩得一個鐘咋喎, 不如我哋15號再嚟玩過啦), E家做咩好呀?」我要出超必拉他離開, 就說:「過銅鑼灣食雪糕啦!! (:咁要食夠$350!), 唔係吖麻」



全民運動同樂日!
內容: 大量運動試玩, 及表演, 攤位遊戲換禮物, 適合一家大細, 小朋友放電之用
日期︰2015年11月15日 (星期日)
時間︰上午11時 - 下午3時
地點︰南華體育會 草地球場
銅鑼灣 加路連山道88號





大仁生活facebook

沒有留言:

張貼留言