時間的鐘又重回個半月前, 話說8月去日本, 最後半日, 臨上機前, 阿太說:「不如去一番街食個拉麵」(我以為一番街即係新宿地下街,
專賣女人嘢, 又悶又老套...原來我先最老套)
動漫, 玩具, 潮流都爆, 我們花了三小時, 也只是走馬看花半條街.
(只怪自己無做功課, 120間舖頭, 雖然全部官方訂價, 但好多限定嘢, 出面街無...)
當日我們中午到達, 經過八重洲地下B1南口, 就走到一番街的8大拉麵通道,
(Tokyo Ramen Street) 阿太說:「一定要食「斑鳩」,
D人話係全日本第三大拉麵, (咁點解唔食第一, 二), 米係一蘭, 同一風堂囉, 香港都有啦」
其實拉麵好食與否, 主要視乎湯底, 但湯底永遠都加上濃濃味精豉油, 我的舌頭又不爭氣, 食完又辛苦...(試過叫舖頭走豉油, 真係一啲味都無...)所以, 我真的不懂吃拉麵.
只要不是博多的幼麵, 我就會比較吃得開心一點.
(無辦法天生愛粗麵).
老實說一蘭, 一風堂我也是麻麻地...更何況今次的第三名呢? (可能我唔識食, 不過, 真係好多人排隊, 唔知點解)
醫飽肚後, 我們便一直行, 不用一分鐘便到達人山人海的四大零食專區...不二家, 固力果, 森永, Calbee齊齊向你發功, 你一定無法招架, 乖乖大出血. (Tokyo Okashi
Land
囝: 「我想要E個筪呀? (咁細個有咩用? 同埋你識E隻雀仔咩?), 梗係識...海洋公園米見過囉...(E隻係日本大咀鳥呀!)」
不二家的女巫牛奶妹超多人搶, 因為實在太便宜, ￥292做手信一流, 好抵又好食, 我後悔只買了6包...(點解香港咁耐, 仲未有水貨佬入貨呀?)
專門收集罐頭的我, 只買了東京限定版一款,
其餘影張相就當擁有吧! 囝:「爸爸!你唔係儲咩, 點解唔買晒呀? (大佬!我都想, 但一套十款牛奶罐, 攞死我都似)」
這盒草餅布甸, 因為實在太趕, 所以很多匆匆忙忙拍了照, 事後我發現「走寶」才識後悔..., 這個我想買回來試食, 以形補形喎...
再向前走, 便是令我一發不可收拾的Tokyo
Character Street...首當其衝的就是近年紅爆日本的妖怪手錶.
見到妖怪手錶, 就令我聯想到當年的軍曹,
十幾年前又是紅到發紫, 我記得當年過日本, 在街上「爆」軍曹扭蛋, 現在一隻軍曹玩具也消失得無影無蹤. 好可憐...
電視台專門店也有6家之多, 可惜我近2年已經沒有時間再追日劇, 不過...當年第一套看的愛情白皮書, 到20年後的律政英雄2015 ,
依然都是木村呢!
如果不嫌一番街專門名內的貨品, 全部也以官方正價出售,
逛一條街, 你已經可以盡掃Miffy,
咸蛋超人, 方吉, 宮崎駿, Hello Kitty, 輕鬆小熊...
絶對是你數得出名的卡通人物, 都一定有一間專門店在此,
但奈何格價仁還是愛拆扣喎.
日本即使反斗城就經常有折扣, 又不時有跳樓貨, 就算BIG Camera買一盒手裡劍戰隊也只是￥6600.
一番街正正就如此海港城一樣, 很簡單的同一盒戰隊她的官方定價便是￥8820, 逛一逛當然沒問題, 但我一定不會買啦!
大仁生活facebook
沒有留言:
張貼留言