今晚走到一間已經開業2年的齋舖食晚飯, 因為阿太話:「我想食清DD...」. 素食微調一間我永遠途經銅鑼灣道, 都會忽略的小店.
19:30到達, 本來訂了位, 但店員誤將留位給了別人,
舖頭實在太細, 打開門口, 用盡每分位置, 也只能擺放15個座位. 結果我們一等又等了30分鐘.
其實阿太一早便看中他們的土耳其卷, 本來店員阿Roy建議:「你哋第一次嚟, 不如食意粉啦」, 但阿囝想食漢堡包, 所以便與意粉無緣.
我最欣賞這裡的鮮果汁, 每杯都由三款生果榨成,
充實到爆!! 我們加$15轉大杯! 否則跟餐的細杯, 珍寶珠的高度...兩啖便渴完, 怎夠喉.
西蘭花, 青豆, 鵝肝菌的餐湯, 好開心不是凍湯, 很怕冷冰冰的凍湯, 再健康都是假, 合口胃最重要. (你問我好唔好飲...食肉獸都係鍾意有肉餚的湯啦)
土耳其卷, 兩大條...內裡有豆腐, 烤蘑菇, 南瓜, 生菜, 如果以齋來說, 味道配合得很不錯...烤蘑菇最搶, 阿太:「都係唔夠上次嗰間好食...」
我問SY, 你記唔記得以前有冇食過土耳其卷呢? SY答:「有..食過啦..不過我唔知邊度食過喎.」對! 灣仔的TICKEATEASAY...土耳其卷一試難忘.
看來六根未靜的我應該不能食素喎...為何我覺得這裡的土耳其卷,
與巨型漢堡包的饀料會是一模一樣的呢?
不過, 連小朋友都說:「真係一樣, 一模一樣嘅」有少少不同, 就是VS漢堡飽多了一塊厚厚的芝士, 我最初奇怪為何有兩塊豆腐. (原來其中一塊鹹鹹地, 就係芝士)
我問Roy:「點解土耳其卷, 同漢堡飽係一樣嘅?」, Roy答:「哎呀!你係米點咗A款? 唔好意思, 我太忙唔記得講你知係一樣...」(哦! 真係若要包似卷, 除非卷係包囉)
八卦仁問:「點解你哋有隻TVbuddy嘅?」,
Roy:「朋友送之麻, (我以為你哋好鍾意睇TVB),
邊有時間睇電視吖」有時間都無興趣睇, 10年前套「男親女愛」仲好睇過套「張保仔」
素食微調 Veggie spinner
大坑銅鑼灣道144號
沒有留言:
張貼留言