網頁

2015年10月5日 星期一

【飄來榴槤 _ _】蔫肨爛臭食罐頭 @ Sense Dessert Cafe

朋友報料:「飲食男女話佐敦有罐頭份子甜品食喎, 又咩魚子醬, 你去試吓啦!!, 如此有趣, 當然即時要去影影影食食食.


走到廟街發現熟口熟的舖頭名字, 這不是當年我走到元朗食盆栽甜品的店?? 原來搬了出來?



我問工作人員:「請問係米有罐頭甜品食?」工作人員答:「未出街喎, 你可以預訂下個月有...(甜品都要預訂?), E家只係得罐頭榴槤, 同埋只可以外賣...


(外賣啱晒!!我最驚榴槤, 就買返屋企被阿太試), 老實說我覺得似貓糧多過似罐頭.


臨走前口痕問廚師, 罐頭榴槤推出了多久, 他奇怪眼神一望便答:「差唔多一年啦!!(?咁耐架啦?我真係後知後覺喎)


不得不佩服這家甜品店的心思, 經常有新攪作, 用密封罐頭裝住榴槤, 有一個好處, 就是「一啲都唔臭」


不過, 當阿太一拉開罐頭, 「嘩!蔫肨爛臭到呢...快快影兩張相我就要彈開抖抖氣」, 不過阿太竟然太讚:「真係好香喎!(其實你識唔識得分香同臭?)


阿太一邊食一邊講:「好味喎, 真係貓山皇嚟架?(佢話係D24, 我鬼識咩K11我就知係邊).


阿太繼續:「裡面好似有啲粒粒西米布甸, 真係好食, 係香不過不過舊榴槤咁鬼少, 細細罐, 幾多錢? (:$48), 你應該買兩罐畀我食啦, 一罐真係到喉唔到肺」
(咁不如直情買個榴槤畀你仲好啦!)



Sense Dessert Cafe
佐敦廟街286-294號華至大廈地下6-8號舖

2886 0949


大仁生活facebook

沒有留言:

張貼留言