同事J話:「阿仁每次食完飯都一定去掃零食嘅?」對!因為返工實在太悶...加上家中有位零食焚化爐呀!
阿囝問:「爸爸E粒咩糖呀?」(你試吓食, 睇下食唔食得出?).
當他一放入口, 咬了兩口, 眉頭緊一緊:「哦!係吞拿魚味壽司糖, 鹹鹹哋又甜甜地, 怪怪地, 點解吞拿魚唔係做壽司?
要做糖?」(日本人就係咁有趣嘅民族啦)
軟糖內有一粒透明物體, 最初懷疑是魚油丸, 原來只是軟糖粒, 魚腥味應該是糖上的魚皮發出來的.
攪鬼度:★★★★★
爆炸糖棉花糖可以有幾爆? 兩款味道, 蜜瓜及提子...我最初以為是一粒粒的棉花糖, 內裡再放入爆炸糖.
一打開, 原來是一大塊棉花糖, 再放入少量爆炸糖. 棉花糖是街頭懷舊小食款, 用支捧卷至人頭大細那款,
而不是帶到BBQ燒來食的一種.
棉花糖甜到漏, 爆炸糖太少, 笠痴痴在Office不方便食...最佳食法放水, 當「以羅菓子鹽」, 一樣「炸炸聲」...半杯水即時變有汽果汁,
最正!!
攪鬼度:★★★★
日版珍寶珠零舍不同, 果汁雙重味玩Twins喎!
士多啤梨併檸檬, 香蕉配車梨子, 菠蘿加提子, 桃伴藍梅, 邊一隻味最好食? 如果返工一邊食, 一邊打字, 最醒神一定揀菠蘿提子.
阿囝:「隻隻都好食喎...(你有乜所謂吖, 又唔駛返工, 又唔駛捱老細鬧), 媽媽鬧算唔算?」
攪鬼度:★★★★
Love Live 杯麵是暑假我到日本, 最想買但又懶去郵局郵寄的東西. 當時一買便要買一箱2000円十二碗.
哈哈!幸慶沒有買, 今時今日香港一樣有, 辣味豬骨, 豉油豬骨, 前者好味到無得輸...(豉油豬骨則普通得緊要)
醉翁之意不在麵, 其實我一心只想集齊4款Love Live貼紙! (哎呀! 原來唔係每碗也有貼紙, 我買4碗得一碗有...激死我)
好味道:★★★★★ (辣味豬骨)
一邊食辣味豬骨杯麵, 一邊飲桃味汽水絶配. 不過平時淨飲就略嫌桃味淡口了一點, 日版芬達真好, 香港飲了幾十年都是橙味...桃味再濃一點就更好
好味道:★★★
唔....十元八塊的綠茶曲奇, 味道當然不能與200年歷史的綠茶店比較. 勝在便宜, 就當作下午茶止口痕之用吧.
(PS:點解乜都關Hello Kitty事呢?)
離奇度:★★★
樂駝柒
觀塘開源道60號駱駝漆大廈第3期1樓N室
12:00 - 19:00 (年中無休)
大仁生活facebook
![](https://badge.facebook.com/badge/313193875459842.1392.1780275102.png)
沒有留言:
張貼留言