Halloween正日下星期已經到, 今晚先來一個預演...呃鬼食雪糕. (仲要好鬼螢, 好鬼光, 好鬼正添)
當你一走近銅鑼灣道與浣紗街交界, Sharon便非常賣力大叫:「可以入嚟試下我哋萬聖節嘅螢光雪糕呀!」
兩款萬聖節雪糕一樣是牛奶混白朱古力, 再加阿華田脆脆, 不過一款是加入棉花糖, 及幽靈鬼脆餅; 另一款便是墓碑曲奇餅.
Sharon:「墓碑可以寫最多三個字, (我:咁你幫我寫『大仁』啦...),
哦!企人邊...即係台灣嗰個大仁呀?」我無奈點點頭...
此時Sharon 關掉店內的燈, Tracy一邊火速造雪糕一邊解釋:「因為我哋加咗營養劑, 所以在舖頭的紫外光燈下,
就會發光」
SY「嘩!好靚呀!!畀我畀我...好似迪士尼咁靚呀!!」絶無花假, 十足十夜間巡遊一樣, 靚爆！
紫外光燈下, 白色衫全部變迷人夜光,
連Tracy的牙也白到發光.
將雪糕劃上咀角, 臉鼻鬍鬚位, 即時可以出現螢光效果, 得咗!!
就在我們玩得慶起之際...我的大仁墓碑曲奇餅, 被小朋友意外掉了落地...哎呀!...無得食...今次真係R.I.P.
雪糕又滑又重奶味, 又加大量阿華田, 一定不差...只不過我們全程左拍照, 右拍片, 雪糕好食與否, 已經不重要. 呃Like加自娛才是最重要.
Happy Halloween $55 //墓碑R.I.P $58
哈佬喂雪糕每日18:00後供應, 一直至10月31日
沒有留言:
張貼留言