「香港人咁忠貞嘅?」今日17:50抵達apm一田「蛋黃哥主題Cafe」, 門外只有16人排隊.
莫非人人也掛念著...陪伴我們剛剛好一年的KUMAMON Cafe?? 所以即使蛋黃哥人氣高企, 個個也不似我般貪新忘舊? (得咁少人嚟食??)
其實我真的想得太多啦!! 只是未到放工時間, 結果餐廳於18:45也掛出截龍告示. (嘩!氣勢仲勁過上年熊本熊, 好彩我早嚟啫)
熊本熊去年10月21日上任...呵!!一年飛快就被解僱. (無計, 香港人係善忘嘅), 不過, 有比較, 總覺得今次蛋黃哥有點草草, 有點求其.
去年, 熊本熊新開張, 走廊還附設巨型店長酒吧影相區, Pop-Up Store又有限定品出售; 今日蛋黃哥則甚麼也沒有, 而出售的精品也可以用「行」貨來形容.
原來排第17人也要在門外等足60分鐘...一入店內, 最讚一定就是那張蛋殼凳,
簡直一絶. 不過, 不是每一張也有蛋黃哥嘜頭的喎.
一向Hea爆的蛋黃哥, 今次連餐牌內容一樣Hea了不少...(少咗好多嘢食呀!! 最重要的特飲, 甜品...無無無) 「呀！無力啦！」、「我睇唔透呀！」可能就是他解釋的原因吧.
「浪」吓「浪」吓的溫泉蛋煙肉沙律($69), 正喎...可能沙律真的很難差, 加上那隻正大叫: 「呼...好舒服～」的溫泉蛋, 真心好好食.
阿囝唔捨得刺穿蛋黃哥, 但玩了兩, 三次, 蛋黃哥的後腦自動炸爆了. (我要求自行貼一張蛋黃哥的眼咀米紙, 可惜被店員拒絕了...點解呀? 我手勢好好㗎喎)
蛋黃哥變身糖心蛋的叉燒咖哩烏冬($79), 其實叉燒如果薄切我會更喜愛,
不過味道不差, 雖然沒有老虎咖哩的吸引,
但真的已經很OK.
好食與否, 只要一看我家尖奄的無牙囝的反應便知一二, 不能吃辣的他, 仍一啖水一口烏冬, 便知這碗東東深受小朋友愛戴.
之後的洋食餐($99), 我覺得是5個主餐中, 蛋黃哥最令人救命的一個賣相. (他應該是搭沉船, 雙手執著大木頭, 在海中半浮半沉的樣子呀!!)
其實, 今餐會不會食得太多蛋??
好似報紙教一星期最多吃3隻蛋黃...我今晚一餐已經過Quota.
(可愛變蟹魔, 二下手勢攪掂...阿囝都大叫:「爸爸唔好咁啦」)
這位日藉女店員Nana中文非常了得:「套餐加$48可以換杯呀! 要唔要?」不過換了卻發現, 餐廳用的一款靚得多...可惜那隻是非賣品.
少少意見:
今次蛋黃哥玩抵死對白為主, 可惜用的公仔, 或連門口的影相大公仔, 一樣較去年Kumamon遜色...唯一好處, 食物有進步, 好食得多. (不過, 快快加返特飲, 及甜品啦...唔該！)
YATA gudetama café by IZUMI CURRY
地點：觀塘觀塘道418號apm
營業時間：11a m –
10:30pm
查詢：3580 2883
大仁生活facebook
沒有留言:
張貼留言