今日「京林屋」香港分店開幕, 有得歎綠茶, 兩公婆晨早10點就出門口, 準備去希慎6樓排隊.
5個月前「中村藤吉」開張, 我們10時05分到達, 排第13...E!!今朝條人龍呢?
原來舖頭11點吉時剪彩, 之後嘉賓祝賀, 食客11點後才陸陸續抵達 (點解佢哋知道唔駛排隊?)...今日有幸目睹整個剪彩過程, 而且更加排第一添.
正午12時「京林屋」才正式開店,
人龍40人剛剛好將坐位全部坐滿.
正如剛才「京林屋」傅嘉莉 (總廚Helen)對我說:「其實你可以行個圈, 12點前返嚟, 應該都可以有得食」
我一直「吼」住舖內兩個仿古日式茶室, Helen帶我們入座時問我:「介唔介意坐茶室?」我求之不得啦!
(雖然這裡沒有無敵海景,
但坐在這個日系茶室, 感覺超正, 連抹茶都覺好飲好多, 極力推介~點都要等茶室位嚟坐, 值回票價)
坐在和室的阿太, 今日拍攝杯緣子都特別投入,
杯緣子真的要在故鄉才會覺得特別順眼!!
「京林屋」傅嘉莉推介:「蕨餅係師傅每日即場整,
好新鮮好好食架」. 對!! 煙煙韌韌的蕨餅我喜愛, 但姑寒的我, 一早已熟讀餐牌, 蕨餅可以在多款甜品中都找到, 嘻嘻!梗係唔單點啦!
特製林屋抹茶餡蜜 ($88), 正正就是有招牌抹茶蕨餅,
還有啫哩, 寒天, 雪糕及紅豆... (中村一樣有內容相約的抹茶果凍, 同等價錢但就沒有蕨餅,
換來多一球雪糕, 你鍾意食蕨餅, 定雪糕?)
好多朋友問:「邊間好食D?」半年前的味道好難作準, 但兩間都一樣濃濃茶味, 但感覺「京林屋」苦味較輕, 總知兩間也差不多, 好食, 好好食.
香港限定版抹茶芭菲 ($88) , 由雪糕, 換上軟雪糕, 再加入蕨餅, 與日本版芭菲一樣有士多啤梨,
啫哩, 黃桃...軟雪糕較一球球的雪糕更令仁滿足. (係就係易溶啲囉)
(同樣問題...邊間好食D?) ~視乎你愛軟雪糕, 還是一球球雪糕, 因為抹茶芭菲兩間也是$88 .
反而我一定不會點中村的丸十芭菲($98),貴十元, 還要包含我最討厭的海綿蛋糕.
玉露玉艷 ($78), 一定必點, 自己抺茶自己泡, 第一杯由大廚出馬....嘩!杯茶鹹嘅? 但鹹得很過癮, 一杯你一飲即時興奮的綠茶.
Maggie解釋:「E啲係「玉露」天然味道,
不過, 你再沖第二, 三, 四杯, 鹹味就會愈來愈淡, 之後日本傳統會添少少柚子醬油入餘下的茶葉食用」
仁老將醬油聽錯柚子汁, 倒了半樽, 以為茶葉變甜品, 一大啖放入口...嘩!救命呀!鹹到想嘔...水水水
阿太:「你哋講明豉油, 我就唔明你落咁多做乜...原來加少少豉油真係幾好食, 我即刻過去CitySuper買支柚子豉油返屋企, 食茶葉先得」(唔駛預我, 有少少陰影)
「京林屋」除了有日味超濃的茶室, 還有一個好處, 就是沒有限時, 任Hea任坐. 何謂歎甜品呢? 當然不要在90分鐘的心理壓力下, 趕頭趕命食快餐吧!
京林屋Kyo Hayashiya
地址:銅鑼灣軒尼斯道500號希慎廣場603-604號鋪
營業時間:11:00am-10:00pm(周一至四)、11:00am-11:00pm(周五至日)
大仁生活facebook
![](https://badge.facebook.com/badge/313193875459842.1392.1780275102.png)
沒有留言:
張貼留言