「糖廠街市集」...十足十外國嘉年華, 白色帳篷內, 40個攤檔中西合壁, 最正...我發現, 原來免費試食, 都已經食得飽喎.
中午時份,
兩父子一抵達, 非常肚飽, 看到近門口位置, 有人在煎香噴噴的豬肉...店員:「你試唔試牛脷呀? 好食喎」
因為我怕SY抗拒,
所以還是點了穩陣的豬腩, 付錢後, 店員問了我的名字後, 便即叫即煎.
很親切的三文治完成後, 店員會大叫:「大仁, 大仁, Porchetta得㗎!」
原來Lewis,
就是這間三文治店的老闆之一, 正當我用生疏的英文問他地址之際, 混血兒的他竟然用流利廣東話答:「我講中文都得架...我哋舖頭係灣仔汕頭街」
不知是否肚餓,
雖然如果麵包塗多點牛油, 再烘焙一下更好味, 但入味的半肥瘦豬腩, 配很惹味的醃菜, 醒神!! 醒腦!!
正喎. (有衝動去舖頭食一次!!)
單單吃包,
有點口渴, 在場有很多花茶試飲, 但食煎豬腩, 一定配可樂才是享受...就在SY坐的對面, 我看到「饗璫璫雜貨店」有公平貿易可樂.
Jacqueline:「我哋係希望減少貧窮, 所以全部貨品,
都係支持本地公平貿易 , 而且全部都係有機㗎」
$30一支可樂, 味道是非一般甜, 溫和一點, SY:「好飲過平時嘅爆炸喎」 (不過, 老實講,
價錢好似有D貴)
饗璫璫旁邊是iBakery,
我曾經光顧過她們在添馬公園的茶座, 這店的曲奇, 及麵包不停拿出來給途人試食.
店員:「Muffin啱啱切咗,
麵包無晒, 要再開出嚟切啦...」, 阿囝大愛她們的綠茶曲奇, 吃完一件, 問我可否再食...店員聽到說:「隨便啦小朋友」(唔好意思...好似好貪心咁)
其實我就覺得藍莓及蘋果Muffin更鬆, 更軟,
更正...上次去茶座, 我也不知道, 原來iBakery是幫助殘疾朋友的社企. 蛋糕,
及麵包是難忘的水準級數.
之後有來港9年的Rachel兩姐妹,
她們合力泡製的有機朱古力...六款口味, 同樣任你試食.
今日SY拿正牌,
食足5款不同的朱古力, 最右手邊的因為帶有微辣, 所以我騙他勁辣, 小朋友便放棄試食這款.
因為Rachel 很愛吃朱古力, 但又怕多食不健康, 於是便從3年前開始研發有機材料的朱古力, 她說:「無Refined
Sugar, 無Junk」
其實,
我不懂分別她們的朱古力與便利店賣開的分別, 我只知道, 橙味,
及薄荷味的兩款好好食...辣味的太刺激, 不合我胃口.
華記有機農場的蔡太非常熱情...他見我左影右影就對我說:「你會唔會擺上Facebook㗎? 記得寫埋我哋個名喎」 (一定, 一定)
之後她問SY:「你食唔火龍果呀? 請你食啦」(對不起...這位是不吃生果的小朋友...辜負了妳的一番好意)
我問蔡太今日最推介我的產品是甚麼, 她笑笑口:「即食粟米啦...不過今日應該南瓜甜得嚟夠晒粉...你買一個返去, 包你個個禮拜都想食南瓜」(可惜我阿太唔識煮飯呢!)
我也有2年沒有摘粟米喎...下次有機會入八鄉華記找蔡太你再教路!!
最後, 有小朋友指定要買軟雪糕才肯離開, 其實, 我有點不明白, Via Tokyo 又沒有朱古力味, 為何SY硬要購買呢?
SY:「因為係雪糕就係好食,
無朱古力都得...同埋媽媽係度實唔買畀我,
爸爸你買啦!!」.
其實, 糖廠街市集大部份檔也很有特色...相反Via Tokyo放了過來, 就有少少遜色...
這個很有外國風情的周日市集, 未來9個星期日都會和大家見面...有時間就去逛逛, 氣氛好好, 跟檔主門傾傾計, 開開心心又渡過一個充實的下午.
40個攤檔, 最少有一半設有試食, 其實下午茶時間過來, 真的可以試食到超滿足的離開㗎.
【糖廠街市！】
鰂魚涌太古坊 11a m-5pm
即日至12月27日 (每個星期日)
即日至
大仁生活facebook
沒有留言:
張貼留言