今晚到黃埔食天婦羅...剛抵達開業一星期的丼丼亭,
阿囝大叫:「E...佢米我哋旺角成日食嗰間...咩屋話? 爸爸...點讀呀?」
我答:「DON字, 即係飯咁解...(囝:係囉...旺角都有, 做咩特登過嚟食)...吓??真係同一集團咩?」
女店員聽到我說, 解釋:「佢哋係香港自己創, 我哋真係日本過嚟開, 大廚都係日本人」(排後面的 女士接口:「E間係大家樂開, 嗰間係美心㗎...」明白晒...即係對家啦.
新店感覺較對家來得光鮮, 而且有不少日本人光顧,
估不到店員大部份也操流利日文...加上環, 氣氛, 果然世界零距離, 即時置身日本一樣....(贏晒啦!!)
阿囝問:「天婦羅即係咩? (炸蝦, 炸魚, 炸菇, 總之全部炸嘢) 咁我可唔可食壽司同烏冬?」
天婦羅專門專食壽司? 其實即是劉青雲唱歌, 方東昇打欖球...竹壽司盛($52), 下次醒目識食喇.
之後來一個非常吸引的「天盛定食」($98), 聞說這裡跟足日本, 炸天婦羅的蛋漿與麵粉跟足黃金比例, 溫度以攝氏180度..
(我唔知用200度會點, 但肉眼一看, 炸漿非常薄, 而且顏色是會呼叫的金黃, 絶不是一般的死黃色喔!
望到都開心)
我們追加了原條海鰻天婦羅( $58)...救命呀!! 差不多10吋長, (仲長過阿囝前臂). 有人質疑此非鰻魚...
我反而沒有懷疑, 而且魚肉出奇鮮味...,少少鹹, 輕輕脆, 啖啖肉, 炸過都可以保留觧味, 簡直要大讚企鵝蛋有企鵝蛋味, 海鰻天婦羅...熱辣辣, 魚肉超香, 正正正.
追加的天婦羅非常抵, 多汁活力廣島蠔 2隻 ($28), 爽爽叫蓮藕2件 ($12)...很奇怪, 這裡炸出來的天婦羅很少油...即使炸物必毒, 但可以呃自已...都算健康咗啦!!
至於囝說:「最好食梗係個啫喱, 係荔枝嚟㗎...」其實是大菜糕, 個人則麻麻地. 如果後上, 凍一點, 及軟一點的真啫喱, 一定正得多.
味度:★★★★ (壽司除外)
服務:★★★
環境:★★★★
價錢:★★★★
排隊時間:15分鐘
PS:今日21:15已經Last Order, 有客人被婉拒入場.
丼丼亭
地址:九龍紅磡黃埔花園第三期地下32-33號鋪
電話:24099962
營業時間:11:30a m-10pm
沒有留言:
張貼留言