網頁

2015年10月2日 星期五

【廟街快餐車】青春炸魚蛋 @ 東大街小食皇駛入佐敦


掃街首選一定是煎釀三寶, 不過廟街快餐車老闆朗哥推介:「嚟我E, 梗係食葱粒炸魚蛋, 同無骨雞翼啦!你係米要? 我即刻炸畀你」 要要要...



小食皇位於油麻地廟街, 與北海街交界, (即當年涼茶舖位置), 朗哥將店外牆裝修成一輛紅色巴士一樣. (我頭先真係以為係部快餐巴士) 




(咁得意嘅你哋出面裝修到??) 朗哥:「財爺唔係話要做學外國, 做咩餐車, 我先過佢做出嚟囉, 夠唔夠搶眼先」


朗哥5年前, 在筲箕灣東大街賣單骨雞翼起家, 他說:「我當初改個名叫「脆炸半邊香」, 人人問我...係米台灣炸雞PatPat...之後又有好多人問, 可唔可以連單骨都起埋, 於是我就研究出無骨雞翼」


有十多年酒樓大廚經驗的朗哥, 原來中途曾轉戰過娛樂圈, 90年代尾嘅事...好耐喇, (唔怪之得咁多明星嚟食啦...), 大家畀面啫」(係囉...我都覺得你熟口熟面...不過講唔出係邊度見過囉)


無骨雞翼外層炸至脆卜卜, 因為即叫即炸, 所以客人大約要等5分鐘, 朗哥貼士教路:「炸魚蛋要低溫, 雞要高溫快炸, 唔係D皮唔脆㗎」


雞肉醃得非常入味, 臨上碟前, 朗哥突然撒上一堆粉...(!! 我好驚醒堆准鹽胡淑粉畀我...).原來是孜然粉, !啖啖肉, 惹味到爆, 好食...


(啲人鍾意食魚蛋定雞翼?) 朗哥忙於翻魚蛋並答:「一時時, 不過我自己就一定係食魚蛋, 我自己每日手打㗎,(你日日對住唔厭咩?), 又唔會厭喎, 我鍾意自己啲魚蛋」


魚蛋超彈牙, 而且夾雜不少洋葱粒, 及葱花...爽爽地味道又夠特別, 朗哥:「因為夾D洋葱粒就唔駛落咁多粉漿, 咁米好食D, 我有少少貼士, 炸起之後3分鐘先食仲好, D魚蛋收少少先..(係好食好多呀!)


大熱天時, 望到不停抺汗朗哥問:「冬天會唔會舒服D?」朗哥:「所以做E, 夏天最辛苦, 日日對住個爐...身水身汗」


(咁東大街總店邊個睇?), 朗哥:「我老婆同外母, 我一定要係E, 因為無人識炸嘢, 我唔係度唔掂呀!


其實雯雯, 及阿怡都非常幫手, 特別推銷, 雯雯一邊食魚蛋, 一邊說:「食雞翼最好一定飲橙汁溝益力多, 無得彈」.



一啖橙汁, 一口魚蛋, 腦海忽然閃出30年前, 小學雞年代, 中午數個同學仔, 掃街當食飯的回憶...青春的味道! 正到爆!!





大仁生活facebook

沒有留言:

張貼留言