網頁

2015年10月16日 星期五

【短片】【撥著大霧2】超平歎櫻花水信玄餅 @ 松坂庫 IMAG


網上見到一個小小水晶球, 內裡有一朵粉紅色櫻花, 名叫「水信玄餅」,好想食...原來今時今日, 在尖沙咀超抵價便食到, Yeah!


半年前, 我們曾經在相同地方撥著大霧默默地在食了杯雪糕...今晚帶SY重臨, 他大叫:「爸爸!E度我哋米食過囉? 又嚟? 你又話食過唔再食?(有時都有例外嘅)


上次主角是騰雲駕霧, 煙雨淒迷軟雪糕...今次則最期待則是櫻花水信玄餅...(其實, 明明就係啫喱, 日本人賜予一個如此浪漫的名字, 真係不得不佩服)


店員:「等我睇睇仲有冇啫喱先...(點解你咁殺氣氛? 佢叫櫻花水信玄餅呀), 好彩仲有幾個...(乜會無嘅咩?), 係呀每日得20個咋, 我都驚無得比你」


他不停為我們的軟雪糕, 撒滿粉紅色的櫻花粉, 之後就端上枱及問我:「準備好影相未??(對白真的如此上一次一模一樣喎)


店員將熱茶注入盛了乾冰的企鵝杯內, 「篷!! 即時煙霧彌漫...大放白煙, SY好興奮, 不停吹吹吹...:「點解你咁開心呢?上次米玩過一半囉」(:好玩吖, 好得意呀!)



櫻花粉是甚麼呢? 其實我不知道, 我只知甜甜地, 微微帶少少鹹, 與雪糕齊齊食, 非常好味道...(不過成杯都係粉, 食到周圍係, 就有少少論盡)


當我們差不多將櫻花粉食得7788, 我問店員:「櫻花粉可唔可以添架? (店員:可以) 咁多唔多人添呢? 店員沒有回答... (嘻嘻...可能無人好似我咁貪心掛)


阿太:「有啲海鹽可以加, 不如試下......不過加入後, 個人反而不慣鹹味雪糕, 始終不合胃口. 還是吃我的重頭戲水信玄餅櫻花球.


食水信玄餅, 本應要淋上黑糖漿, 不過這個櫻花球怎看也只是附屬品,所以只有齋吃.


忽然想起前晚「愛‧回家」, 有位闊太為了吃不能獨立購買的曲奇, 而一口氣了十杯咖啡, 目的想有多9塊曲奇來配一杯啡.

  
晶瑩剔透好靚, 這是滑嘟嘟的啫喱, 而不是我有點怕爽爽口的大菜糕. 啫喱夠黏韌, 而且中央櫻花, 微微少鹽, 又帶甜, 又香又過癮.



這個十足雞蛋一般滑的水信玄餅, 我覺得正過櫻花粉雪糕, 今次絶對妹仔大過主人婆喎.

松坂庫MAG STORE
地址 / 尖沙咀金馬倫道35號地下 
電話 / 23238700



大仁生活facebook

沒有留言:

張貼留言