網頁

2015年9月9日 星期三

【短片】【靚仔拉100款咖啡】飲咗會靚啲!~~ 好嘆好悠 @ MYOC


卡通拉花拉到出神入化的Cafe R&C開分店, 正正就在總店旁邊, 主打鹹, 甜班戟及84款咖啡, 上個月太忙, 今晚終於有時間「踩場」.



MYOC面積只有R&C一半, 但風格一樣日本式洋風設計. 如此悠閒的環境, 其實不適合帶阿囝一齊, 因為活躍的他發現張凳可以轉高轉低, 今晚就不停自轉X10~激死!



靚仔到不得了的Jeff:「你啡唔啡㗎? (我搖頭), 我自己鍾意小麥啤溝Double Espresso, 咁你不如飲芒果伏特加咖啡啦」


Jeff好犀利, 美國心理學畢業, 他簡直是希雲街男神:MYOC係米好多女仔幫襯㗎? (係呀!好多女仔嚟飲咖啡)(梗係啦! 我係女仔都日日嚟飲你沖嘅咖啡啦)


伏特加撞Espresso, 再加白朱古力, 還有芒果香, 出來效果好「攪鬼」, 十足十有一堆Minions衝入你喉嚨, 再噴射出生果朱古力. 好興奮好High.


我問Jeff:「你哋個Menu84款咖啡, 仲會繼續㗎?Jeff微笑答:「應該諗到100款之後會停一停, (!你諗咗幾耐呀?), 3個月左右啦, 我好鍾意咖啡麻」


第一次試鹹食班戟, 肥牛半熟太陽蛋, 刺穿蛋黃再沾上班戟及肥牛, 好食就是好食, 但還是接受不到班戟是鹹的配搭喔!


其實, 我怕被人笑大鄉里, 我好想快快KO了肥牛, 及太陽蛋, 之後問Jeff取蜜糖, 才吃剩下的班戟...(無辦法啦...幾廿歲嘅阿叔, 就係咁老套)


不過, 後來老闆娘Rosita對我說:「我哋有新出綠茶班戟配紅豆雪糕喎, 係甜㗎, 每日限量4份」(唔駛講, 就嚟一份啦...唔該)


剛剛從日本回來的Rosita:「我哋係靜岡帶咗一啲好正嘅抺茶粉返嚟, 好回甘, 好正㗎, (雪糕點解一定係紅豆嘅?), 因為好夾, 又唔太甜囉」


這份班戟靈魂在於碟旁的抺茶忌廉, 班戟沾滿抺茶忌廉, 放入口之後, 嘴角會好食到自自然然變成微笑向上...


我忽然想起, 如果這份班戟加入厥餅的話, 應該會滿足過當日走到TheONE食中村藤吉喎.


好彩今晚我們早來, 可以有差不多45分鐘「包場」, 因為一到8, 全場爆滿, 外面還有人等位添.



臨走前, 我又帶囝去跟老闆集郵, 阿太:「乜佢係上年同一個人咩? 頭先我以為佢係張家輝添」囝:「係囉!! 我都唔認得」(唔係吖...一年啫, 你哋兩個都無乜變)


全力推介綠茶班戟配紅豆雪糕. (E度唔飲咖啡都要試!!)

MYOC
9683 6583
銅鑼灣希雲街12號地下


大仁生活facebook


沒有留言:

張貼留言