2015年9月29日 星期二

【下午茶靜D】工廈和風Cafe嘆冰滴咖啡 @ 侘寂珈琲

阿太:「觀塘工廈開咗間好日本FeelCafe, 不如約埋仙仙同Pat去囉. 嗰度仲有個和室, 最低消費$800就得, 訂唔訂呀?(Lunch點食到咁多錢呀, 坐大廳算啦)


這間日系Cafe名「侘寂」(Wabi-sabi, Google大神解釋為短暫不完美、簡約的意思. 其實大坑, 銅鑼灣也分別有同名日本料理, 現在觀塘再多一間「侘寂Cafe.(:三間都沒有關連)



Cafe已試業一個月, 老闆說:「因為未擇好吉日, 所以未正式開張」, 難怪紅紙也未被撕走. 



慶幸阿太預先訂位, 因為店內約20個位一早爆滿, 而且不停有Walk-in客被靚靚女店員Amy婉拒推卻, 日系+咖啡店元素果然是太誘惑.


Hayley沖調咖啡接近2, 我問她餐牌上的Dirty的意思..., Hayley:Expresso4°C的奶, (?奶嘅溫度都要計住?), 係呀! 沖出來唔同味道」(可能我要飲多廿年先識試到分別)


中午時段, 可能滿座的關係, 室內環境比較嘈雜, 其實反而合適帶同小朋友一齊進食, 因為不怕他們大叫大笑, 而且我們交談也不用「就住就住」.


先來一個非常壓場的冰滴咖啡... 我第一次試飲果味的冰滴, 心諗:「咁酸嘅」, 朋友仙仙:「好似醉醉地添」 (又係喎...落咗白蘭地呀?)


一問之下, 原來豆有酸度, 低溫發酵後, 所以有醉意...(真係又上咗一課)


店內有三款午餐, 就來每樣一款吧! 哈哈!!是不是我們有一位小朋友, 所以和風套餐用上兒童餐碟盛上, 不過食物方面...有點似飛機餐, 真的有點「侘寂」... 飯糰, 青瓜,獅子丸略為乾涸. 四個字:有待改善.



全日早餐有分豐盛版, 及輕盈版兩種, 當然我會覺得貴$20的豐盛版好好多, 起碼薯仔沙律味道不錯, (其實咖啡店主打咖啡, 我係米要求多咗啲呢?)



朋友說:「炒蛋幾好喎, 起碼唔老」(!! 炒蛋好食過和風套餐多多聲! 少少意見啦...賣相有時都好緊要架


不願上鏡的老闆Alex:「因為我好鍾意咖啡, 又好鍾意日本文化, 所以想提供一個空間, 吸納一班同好, 享受少少寧靜之下, 品嚐咖啡」


(不過E家都有少少嘈咁喎...), Alex:Lunch Time多人我都控制唔到, Tea Time氣氛完全唔同, 靜好多」


侘寂有一個好處, 就是不限時任坐, Hea, 下次來真的揀Tea Time來會比較好, 因為看到不少食客在門口排隊等候, 其實我也不好意思, 強行霸佔位置太久.


觀塘觀塘道 396 號毅力工業中心 4 樓 C 室
電話 2511 1929


大仁生活facebook

沒有留言:

張貼留言