2015年9月8日 星期二

【生果Creme月餅Amazing】軟食‧硬食‧潮食@ 瓜破


正當我煩惱預訂Hello Kitty月餅要22號才有貨之際前同事「瓜破」老闆阿禧來電:「仁!我哋有新出月餅畀你試吓好唔好? , (唔係雙黃蓮蓉呀...我食到驚喎), 梗係唔會畀傳統嘢你試啦」


Hello Kitty要等2星期, 還要自己親身到店取貨, 而「瓜破」有人親自送到樓下地鐵站喎!(梗係要試啦!)



回到家我對SY:「有月餅食呀過嚟影張相啦...」有人很不情願:「又影月餅都唔好食我扮食架咋...


傳統月餅我已經7年沒有再食想不到竟然連7歲仁仔也像我一樣「食到厭」??


當我迫他吃了一口後, :「嘩!係雪糕嚟架...好食! (你又話唔鍾意食月餅), E個係雪糕點會係月餅呀?


這款「冷菓」月餅, 阿太一見到即說:「咁似大隻仔嗰個雪糕三文治嘅?(Feel...但內裡唔係雪糕, 係牛油忌廉溝吉士, 仲有生果餡, 出嚟好似雪糕, 但無雪糕咁鎅口)


其實, 這種偽雪糕的溫馴感覺, 市面鬍鬚佬芭芙店都有類似, 喜愛雪糕效果的人, 就要將「冷菓」月餅放入冰格冷藏.  


不過, 連食雪糕都鍾意「叮」5秒的我, 就愛將「冷菓」放在雪櫃下層...滑嘟嘟的忌廉吉士, 簡直可以用飲管來享受, 又美麗又涼快.


阿太:「傻嘅先會咁食, 人人食雪糕點想佢溶㗎...(! 你理得我啫...即係有人鍾意玉澤演, 我淨係鍾意謝賢, 無理由唔得呀?!), 都唔知你講乜」


每個月餅中央都混入了生果醬, 所以食得好健康「檸檬 x 柚子 x 白朱古力脆脆」甜甜微酸的感覺比葡萄適更加醒腦醒神.


老實說硬食完一件軟腍腍用匙羹再享受一件兩件放入肚皮後依然未夠喉忌廉混吉士的味道簡直和謝安琪影水底仙女相一樣,十分誘惑幼滑.


(PS: 真心覺得正, 我無收錢㗎, 如果你唔信真係好食, 可以訂番一盒試試囉!)   


「瓜破冷菓月餅」四款餡料:

檸檬 x 柚子 x 白朱古力脆脆
黑加倫子 x 栗子 x 黑朱古力脆脆
抹茶 x 自家製熱情果醬
焦糖 x 粒粒蘋果
$258/(八件) (912前訂 $245)

沒有留言:

張貼留言