網頁

2015年9月23日 星期三

【不是Cafe】五個餵飼神經的飯堂少年@ 神經餵飼

「神經餵飼」前日突然在FB發現心想:「好正喎嗰View, 乜砵蘭街幾時開咗間咁正嘅Cafe?


怪仁找不到訂位電話, 於是Facebook PM他們, 收到回覆:「無booking, 唔洗擔心, 我地好隨意的, 到時見!!(咁我今晚就去)



推門走入店內, 店員打招呼後並說:「我哋今日Menu...」手勢向下, 原來餐牌就在地上...(果然夠神經吖)


原來舖頭由5位朋友合作, 新開張只有三天, 大廚Kevin:「我哋之前係深水埗有間白紙工作室, 兼賣一D小食, 不過畀政府部門警告, 所以我哋米搵地舖開食堂囉」


我見Kevin很年輕, 八卦問:「你煮咗幾多年嘢呀?Kevin:「我做咗Cafe十幾年, 我三十幾喇, 好老㗎啦」, 旁邊正忙於洗碗的Cyril接口:「我22...」之後另一女同事Yan:「我17歲」(愈嚟愈細嘅ED老闆??)


蘑菇忌廉飯的蘑菇認真夠多, 這是囝指定要食的, 不過自己一向對意大利飯麻麻地, 好彩Kevin煮的飯已經不算太生吧! (PS: 我杯雜莓蜜桃梳打超正)


可能有凍朱古力陪伴吃飯, 小朋友今晚幾乎KO了整碗, 這個飯算OK, 不會太忌廉, 不會太膩.


乳酪芝士烤法包, 愛酸的朋友一定喜愛, 如果阿太今晚不是約了朋友, 一定會大讚特讚...不過我愛甜多於酸呢!!


法包微暖脆岳岳好食, 如果不配士多啤梨, 用蜜桃或芒果, 應該會更合我心意...


小朋友無端端走到前面落地玻璃, 伸手想捉摸街外的「抽煙用長木凳」...(你以為可以出到去呀?)


囝笑笑口:「個玻璃好似無嘢咁, 所以我摸下囉..真係有玻璃喎」(無玻璃D冷氣米走晒囉)


這裡的刀叉, 清水全部自助式, 而且周圍行, 周圍Hea, 暫時就連大老闆
Simmy也未有勸止不停搗亂的小朋友, 於是我趁機又走上前八卦...


(Cafe好好Feel!) Simmy:「其實我哋好鍾意《深宵食堂》, 好想開一間有互動, 好有家感覺嘅食堂, 所以我哋唔當E度係一間Cafe, 而係一間飯堂, 或者食堂.


(舖頭名咁得意嘅?) Simmy一邊陪SY玩木頭車一邊說:「嚟E度除咗可以醫肚, 我哋仲希望可以醫埋大家嘅神經, 紓緩一下緊張」 (絶對做得到啦, 發神經嘅囝要玩你攞去買花用嘅木頭車, 你都係畀佢玩)


「神經餵飼」的神經反射區, 有手作, 有寄賣治療神經一流. 大家工作有否壓力? 老闆是否經常無理取鬧? 生活緊張嗎? 試試來這裡診治一下吧!



聞說VIP9, 計我話:「人人都畀個9折就最好啦...(不過, 今晚我都無折, 下次我嚟醫病, Tabu唔該9!!)


神經餵飼
地址:  太子砵蘭街434
電話:  2673 4722

沒有留言:

張貼留言