如果不是PR姐姐推介, 大鄉里真的不會專誠走過蘭桂芳食飯, PR姐姐:「因為星期日蘭桂芳好少地方有飯食架, 所以我哋諗D綽頭嘢吸引吓人, 於是就有Sunday Night Picnic」
一去到囝細細聲:「點解咁黑咁少人嘅?」我:「咁米好囉, 無人嘈住我哋野餐, 係米好似無燈嘅郊外, 好開心呢? (我好驚就真)」
雖然野餐不是舖大膠墊, 坐草地, 但就真的每樣食物上枱時, 都放入一個大大藤籃, 再拿出來給我們.(都真係好有野餐Feel)
第一樣上枱的非常貼題, 小小鐵籃有鮮蘆筍, 紅蘿蔔, 小番茄, 椰菜...
野餐的蘆筍, 及紅蘿蔔爽到「索索聲」, 鮮甜度逾9成. 我叫囝:「試一試, 好正呀」
不過小朋友對蔬菜不感興趣, 但就看中了三條熱辣辣的麵包.
從前幼稚園年代的他, 經常說愛食學校午餐的西蘭花,
但奇怪一升 上小學, 就十足大肚婆轉口味一樣, 從此所以菜都拒絶放入口.
熱辣辣的長條包上枱時真的出煙, 囝:「媽媽, 啲咩醬嚟架? 鹹鹹地好好食」阿太:「沙律同南乳啦...」, 我奇怪咁大間西餐廳又會配南乳,
一問之下, 原來是鴨肝醬, 及塔塔醬, 小朋友你都幾識食喎.
之後食物籃又登場喇, 今次送來小多士, 及薯仔湯. (最初以為薯仔湯是果Jam...咁細舊多士, 咁大缶果Jam?), 用果Jam玻璃樽盛餐湯, 微微暖感覺都很襯. 如果是熱湯, 我會更加喜愛.
再上枱的野餐籃...兩囝爺就來自助式玩玩啦!!
開....今次又是凍的選擇, (可能阿叔太老套...都係鍾意熱食意大利粉多一啲). 蟹肉魚子醬冷麵, 我對囝說:「你試吓好唔好食?」
囝望了一望:「魚子醬係人嚟, 點可以食? 爸爸你唔好講大話喇」(救命!囝你真係以為我們朋友仔魚子醬係佢真名咩?), 不過, 有其父必有其子, 他吃了一啖, 還是交了給阿太一人KO兩杯冷麵. (辛苦晒!!)
不得不讚, 這份主菜是我近十年食的最好味燒五花腩. 皮脆...好脆, 怎形容好呢? 對不起, 我第一時間只想到「16歲卜卜脆」.
肉質入味, 有瘦又有肥, 用生菜包住食, 好好食, 點解中環可以燒到如此無敵的燒肉呢? 我忽然有少少似執到金的感覺~「嘩!正呀! 筍呀!」
真的不好意思, 因為塊五花腩確實人間美食,
所以之後的墨西哥薄餅, 炸魚, 我已經看不入眼...
囝問:「野餐點解咁多嘢食?」
我答:「我都係第一次嚟, 真係唔知, 我只係知E家係甜品時間, 朱古力慕絲, 同橙味椰子吉士...」, 囝:「我食朱古力...」(一早知道啦)
橙味吉士...味道酸酸地...還是朱古力慕絲又有曲奇脆脆, 層次感強烈得多. (今餐實在太豐富, 飽到阿囝只吃了四份三杯朱古力也投降)
臨走時好好人的Paulo說:「Sunday Night Picnic我哋只係攪咗2個月左右...」, 我提議:「逢星期日夜晚, 搬走晒d枱枱凳凳, 舖一張大大嘅假草皮,我哋就係上面食, 咁就真係更有氣氛啦」
Sunday Night Picnic $490/人
(6歲以下小童免費)
Bloom
沒有留言:
張貼留言