2015年9月22日 星期二

《中野攻略》粉紅戰士的感動 @ 玩具格價團

中野サンモール - 由新宿乘JR中央線5分鐘便到達, 從前孤身入貨的地方. 今日變成拖實小朋友來格價, 時日真的如飛.


日本的好處, 就是十年前後的中野, 好像也沒有甚麼轉變過.  (我就愈變愈殘,  眼袋大到可以放兩個一蚊銀)



最記得97年第一次過來中野北口, 也不知道玩具寶藏就在長長商店街盡頭, 大鄉里沒有上扶手電梯便調頭回程坐JR走.  (真係臨門都唔起腳, 嘥晒!!)


7年前中野偶然還可以執得到, 今次逛完發現,  Window Shopping大於一切. 記得上次來的時間, 美少女戰士還未被重視的系列, 今日已經升上神台.


當年太子界限街玩具店, 我以$128購入下圖的星光三戰士攻擊武器, 雖然搬屋不見了...但今時今日售價升至$3000 ??. (唔係吖麻?? 揼心呀!)


小朋友竟然愛上儲卡我問:「你唔係買幪面超人咩?囝如獲至寶笑咪咪:「我都好鍾意排球少年...(J2做緊?)...係呀...影山隊啦, 之後烏野又對音駒...(我完全唔知佢講乜)


其實儲玩具一定唔會出錯, 就連當年的1985 ‎¥100食玩, 一盒也升值60, 電子戰隊呀! 我懷疑值錢不在於那單色軟膠公仔, 而是一盒過期朱古力30年前的朱古力也值 ‎¥3500. (我想試試味?)


不要以為大大件玩具才會升值得快小小的扭蛋也可能有不可思議的價錢我本來也有儲開這些合金扭蛋但一般也是 ‎¥1000- ‎¥2000, 這個值 ‎¥15750的有點不捨得買.


迪士尼的毛公仔也有分門別類而且非常抵三眼仔+胡迪+巴斯也只是 ‎¥2000 Yen, 不過中野不可以退稅而且我懷疑太多不禮物的國語人去掃貨所以店員的態度也沒有從前的好相與.


五勇士的超合金, 是非常吸引...我對囝說:「紅戰士...當年爸爸 ‎一萬Yen買咋, 我好想買粉紅戰士呀!!, 可能我口水流的模樣, 連囝也覺得奇怪...所以...


囝問我:「你有冇6千蚊呀? (6千蚊 ‎¥6000? ...你睇中咩玩具呢?), 媽媽畀咗2Yen, 我畀你, 你自己出 ‎¥6000就可以買到粉紅戰士囉」


這一刻我很感動, 因為囝的銀包只有2Yen, 但他竟然肯全部交給我, 真的毛管戙到不停的震, 開心得有點想喊.


不過另一方面我又覺得小朋友很可愛, 我對囝說:「你畀咗我, 咁你米無得買玩具囉? (我都買咗卡啦)」此刻拖住他的小手, 滿足感之強從未感受過...


最後回歸現實, 我跟小朋友說:2Yen你都係留返自己買玩具啦, 爸爸想買個粉紅戰士係2625Yen, 太貴啦, 同埋佢又無藍戰士...(囝:咁你唔買, 我想買多包卡喇)...頭先你又話唔駛買嘅?










沒有留言:

張貼留言