2015年9月16日 星期三

【鬼同你去樂富】免費鬼屋任玩 曱甴爆谷敢唔敢食? 【短片】

一年容易哈囉喂樂富鬼嚇人又來了! 重點當然是免費玩, 免費食啦!!


已經是第5年樂富免費嚇鬼你, 不過今年轉了場地, 由一向在街市旁邊A, 走了過B區露天平台玩貨櫃.


6個貨櫃組成的鬼屋, 名為「恐懼心戰室」, 工作人員:「今年無鬼㗎! 得怪人, 同死神, 驚都只係你自己個心魔...哈哈哈」(你講完好似仲驚就真)



齊齊來玩最驚驚的鬼貨櫃4:

最突如其來一嚇: 玩曱甴


一推門~一間和我屋企差不多凌亂的房間, 突然地下走出十隻曱甴, 百隻曱甴, 千隻曱甴, 萬隻曱甴...!好驚呀!!! (有玩過剛剛結業的荔園嗎? 一模一樣㗎)
驚驚指數★★★★

真係心都離一離: 心魔凶你


橙紅色鬼聲鬼氣, 記得有心理準備, 心魔隨時閃出來, !一聲, 心血少都即時被佢嚇到坐落地.
驚驚指數★★★

實驗室聞臭臭: E~濕泣泣嘅


博士要我在實驗室, 用鼻去估氣味....好臭好難聞...我只想大叫:搵笨; 之後更要在18個小櫃內找鎖匙開門....救命呀, 點解每個櫃不是鬼口水, 就是鬼眼, 鬼手...跟本就沒有鎖匙, 呃我!
驚嚇度 ★★★★★

數獨癲狂女: 無端端計數


驚驚慌慌到最後, 突然走來一位癲狂女, 要我30秒內將數獨空格計總和....死啦!! 我數學已經水皮, 癲狂女還不斷「WeWe嘩嘩., 點計呀???


驚驚指數★★★


如果你真的似怕要入鬼屋, 平台還有兩個小攤位任你玩, 其中一個很簡單的砌回一個完整的骷髏骨頭就成功. Easy Job!!



玩到肚餓, 出口旁邊還有免費爆谷任你食....最正竟然有朱古力曱甴給我...不過要睇清楚會不會是剛才鬼屋的膠曱甴喎.


日期:9月18日至10月31日(逢星期五至日及公眾假期)
時間:5pm – 10pm
地點:樂富廣場B區露天平台
門票:免費入場


沒有留言:

張貼留言